Website Hta Lawm Ai Lam

Mara Da Ai Sumhpa Ni Hpe Tam U

Hpunau nauna ni gaw, hkaw tsun bungli hta jw.org na home page hta mara da ai sumhpa ni hpe akyu jashawn ai. Dai hpe aloi sha hte alawan tam mai ai. Ya byin nga ai mabyin ni gaw, Chyum Laika myihtoi ga hpe gara hku jahpring shatsup ya ai hpe ayan na sanglang dan ai. Hpunau langai ka wa ai hte maren, home page na sumhpa ni gaw, “ya galaw nga ai hkaw tsun magam a matu hkrak re ai lam re.”

Raitim, mara da ai lam ni gaw ayan na galai shai nga ai. Dai majaw, home page hta mara da ai sumhpa ni hpe gara hku tam mu na kun?

• jw.org na home page hta, laika man ntsa na “Grau Nna Yu” ngu ai link hpe dip u. Dai link gaw, “Kade N Na Shi Yang Home Page Hta Mara Da Ai Ni” ngu ai ga baw hpe hpaw ya na re. Dai hta, kade n na shi yang na sumhpa ni hpe tam mu na re.

• jw.org (sh) JW Library hta, “Laika Dum” hpe lata nna, “Matut Manoi Sumhpa Ni” hte “Kahtap Ga Baw Ni” hpe yu u. Dai daw hta, home page hta mara da ai sumhpa law law lawm ai.