Social Network A Shoihpa Ni Hpe Koi U

HPA MAJAW AHKYAK: Hkingrai law malawng zawn, social network gaw akyu jaw ai (sh) hkra machyi shangun chye ai. Hkristan nkau mi gaw, social network hpe n lang na matu dawdan da ma ai. Hkristan nkau mi gaw nta masha ni, manang ni hte matut mahkai na matu lang ai. Raitim Satan gaw, Yehowa hte anhte a hku hkau lam hten za mat hkra, social network hpe hpaji n rawng ai hku lang shangun mayu ai. Yesu zawn, anhte mung Karai a Mungga kaw na npawt tara ni hte, social network a shoihpa ni hpe chye ginhka lu nna koi mai ai.​—⁠Luk 4:4, 8, 12.

SHOIHPA HPE KOI U:

• Social media hpe ladu lai lang ai. Social network (sh) social media hpe ladu lai lang ai gaw, wenyi lam hte seng ai magam bungli ni a matu, lang ra ai aten ni hpe hkra machyi shangun chye ai.

  Chyum Laika npawt tara ni: Ehp 5:15, 16; Hpl 1:9, 10

• Akyang lailen hten za shangun na zawn re ai lam ni hpe yu ai. Ngang kayut ai myit nga wa shangun ai sumla ni yu ai gaw, nse nsa sumla yu ai akyang nga wa nna, akyang lailen hten za shangun ai. Makam masham htak mat ai ni ka da ai laika ni hpe hti ai gaw, makam masham hten za shangun ai.

  Chyum Laika npawt tara ni: Mat 5:28; Hpl 4:8

• N htap htuk ai comment ni hte sumla ni mara ai. Anhte a myit masin gaw, grai n shawp ai majaw n htap htuk ai comment ni hte sumla ni hpe mara hkrup chye ai. Dai majaw, dai gaw marai langai ngai a sari hpe jahpoi ai (sh) wenyi lam hpe ahtu kataw shangun chye ai.

  Chyum Laika npawt tara ni: Rom 14:13; Ehp 4:29

SOCIAL NETWORK HPE HPAJI RAWNG AI HKU LANG U, NGU AI VIDEO HPE YU NGUT AI HPANG LAWU NA LAM NI HPE GARA HKU KOI LU NA: