HKAJA 4

Chyum Daw Hpe Htap Htuk Ai Hku Shachyen U

Mahte 22:41-45

KADUN DAWK: Chyum Laika garai n hti shi yang, madat nga ai ni a myit masin hpe hkyen lajang ya u.

Hpa majaw Chyum daw hti ai hpe myit u. Chyum daw a tsun dan mayu ai madung lam ni hpe, madat nga ai ni chye na wa hkra, Chyum daw ni hpe shachyen ya u.

Lawu lahta ga ni hpe myit yu u. Dai Chyum daw hpe kadai ka nna, dai ga hpe kadai tsun ai lam tsun dan u.
Chyum Laika hpe madung hku nna lakap u. Karai Kasang hpe kamsham ai ni hte tsun shaga ai shaloi, Chyum Laika gaw Karai a Mungga re ai hpe chye shangun u. Rai yang, nang gaw Karai a myit mang ai lam ni hpe sharin ya nga ai hpe madun nga ai re.
Chyum Laika hpe myit lawm wa hkra galaw u. Chyum Laika hte mahtai jaw lu na ga san langai hpe san u. Chyum Laika karum ya lu ai manghkang langai hpe tsun dan u. Sharin ai lam hpe chye na lu hkra, npawt tara langai hte, seng ang ai Chyum Laika mabyin hpe tsun dan u.

Madat nga ai ni chye da ngut chyalu lam ni hte Chyum daw ni hpe myit yu u. Hkau chyap ai Chyum daw ni hpe mung, bai myit yu na matu, ahkri ahkrai chye na na matu (sh) kaga ningmu hku mu wa na matu, tsun dan u.