Ĩvuku ya Mbee ya Mavinda

2 Aa nĩmo maĩ ana ma Isilaeli: Leũveni, Simeoni, Livai, Yuta, Isakali, Nzevuluni, 2 Ndani, Yosevu, Mbenyamini, Navitali, Ngati, na Aseli.

3 Ana ma Yuta maĩ Elu, Onani, na Siela. Ana asu atatũ asyaĩwe nĩ mwĩĩtu wa Suua, ũla waĩ mũndũ mũka Mũkanaanĩ. Ĩndĩ Elu, mwana ũla mũkũũ wa Yuta, ndamwendeeasya Yeova, na kwoou amũaa. 4 Tamali, mũka-a-mwana wa Yuta amũsyaĩe Velesi na Nzela. Ana onthe ma Yuta maĩ atano.

5 Ana ma Velesi maĩ Esiloni na Amuli.

6 Ana ma Nzela maĩ Nzimili, Ethani, Emani, Kalikoli, na Ndala. Onthe maĩ atano.

7 Mwana* wa Kalimi aĩ Akali,* ũla waeteie Aisilaeli mũisyo,* yĩla weethĩiwe ate mũĩkĩĩku ũndũnĩ wakonetye syĩndũ ila syaaĩlĩte kwanangwa vyũ.

8 Mwana* wa Ethani aĩ Asalia.

9 Ana ala Esiloni wasyaĩwe maĩ Yelameeli, Lamu, na Keluvai.*

10 Lamu nĩwe waĩ ĩthe wa Aminatavu. Aminatavu nĩwe waĩ ĩthe wa Nasoni ũla waĩ mũnene wa nzyawa sya Yuta. 11 Nasoni nĩwe waĩ ĩthe wa Salima. Salima nĩwe waĩ ĩthe wa Mboasi. 12 Mboasi nĩwe waĩ ĩthe wa Oveti. Oveti nĩwe waĩ ĩthe wa Yese. 13 Yese nĩwe waĩ ĩthe wa Eliavu, ũla nĩwe waĩ mwana wake ũla mũkũũ, wa kelĩ Avinatavu, wa katatũ Simea, 14 wa kana Nethaneli, wa katano Latai, 15 wa thanthatũ Osemu, na wa mũonza Ndaviti. 16 Eĩtu-a-inyia maĩ Nzeluia na Avikaili. Nzeluia aĩ na ana atatũ: Avisai, Yoavu, na Asaeli. 17 Avikaili asyaie Amasa, na ĩthe wa Amasa aĩ Yetheli ũla waĩ Mũisimaeli.

18 Kalevu* mwana wa Esiloni nĩwasyaĩwe ana nĩ kĩveti kyake Asuva na nĩ Yeliothi; na aa nĩmo maĩ ana make: Yeseli, Sovavu, na Alitoni. 19 Yĩla Asuva wakwie, Kalevu nĩwatwaie Evilatha, na amũsyaĩa Uulu. 20 Uulu nĩwe waĩ ĩthe wa Uli. Uli nĩwe waĩ ĩthe wa Mbesaleli.

21 Ĩtina wa ĩvinda, Esiloni nĩwakomie na mwĩĩtu wa Makili ĩthe wa Ngileati. Esiloni aĩ na myaka 60 aimũtwaa, na amũsyaĩa Sekuvu. 22 Sekuvu nĩwe waĩ ĩthe wa Yaili, ũla waĩ na ndũa 23 nthĩ ya Ngileati. 23 Ĩtina, Angesuli na Asilia nĩmamavenie Avothi-yaili, o vamwe na Kenathi na tũtũla twayo,* ndũa 60. Isu syonthe syaĩ nzyawa sya Makili ĩthe wa Ngileati.

24 Yĩla Esiloni wakwʼĩĩie Kalevu-evilatha, kĩveti kyake kĩla kyeetawa Aviya nĩkyamũsyaĩe Asuli ĩthe wa Tekoa.

25 Ana ma Yelameeli mwana ũla mũkũũ wa Esiloni, maĩ Lamu ũla nĩwe waĩ mwana wake ũla mũkũũ, Mbuna, Oleni, Osemu, na Aiya. 26 Yelameeli aĩ na kĩveti kĩngĩ, kĩla kyeetawa Atala. Nĩkyo kyaĩ inyia wa Onamu. 27 Ana ma Lamu mwana ũla mũkũũ wa Yelameeli maĩ Maasi, Yamini, na Ekeli. 28 Ana ma Onamu maĩ Samai na Yata. Ana ma Samai maĩ Natavu na Avisuli. 29 Kĩveti kya Avisuli kyeetawa Aviaili, na nĩkyo kyamũsyaĩe Avani na Moliti. 30 Ana ma Natavu maĩ Seleti na Avaimu. Ĩndĩ Seleti akwie ate mwana. 31 Mwana* wa Avaimu aĩ Isi. Na mwana* wa Isi aĩ Sesani, na mwana* wa Sesani aĩ Alai. 32 Ana ma Yata mwana-a-inyia wa Samai maĩ Yetheli na Yonathani. Ĩndĩ Yetheli akwie ate mwana. 33 Ana ma Yonathani maĩ Velethi na Nzasa. Isu nĩsyo syaĩ nzyawa sya Yelameeli.

34 Sesani ndaĩ na ana, aĩ na eĩtu oka. Yu Sesani aĩ na mũthũkũmi Mũmisili weetawa Yalia. 35 Sesani nĩwanengie mũthũkũmi wake Yalia mwĩĩtu wake ethĩwe kĩveti kyake, na amũsyaĩa Atai. 36 Atai nĩwe waĩ ĩthe wa Nathani. Nathani nĩwe waĩ ĩthe wa Nzavati. 37 Nzavati nĩwe waĩ ĩthe wa Evilali. Evilali nĩwe waĩ ĩthe wa Oveti. 38 Oveti nĩwe waĩ ĩthe wa Yeu. Yeu nĩwe waĩ ĩthe wa Asalia. 39 Asalia nĩwe waĩ ĩthe wa Elesu. Elesu nĩwe waĩ ĩthe wa Eleasa. 40 Eleasa nĩwe waĩ ĩthe wa Sisimai. Sisimai nĩwe waĩ ĩthe wa Salumu. 41 Salumu nĩwe waĩ ĩthe wa Yekamia. Yekamia nĩwe waĩ ĩthe wa Elisama.

42 Ana ma Kalevu* mwana-a-inyia wa Yelameeli maĩ Mesa ũla nĩwe waĩ mwana wake ũla mũkũũ, nake nĩwe waĩ ĩthe wa Nzivu, na ana ma Malesa ĩthe wa Eviloni. 43 Ana ma Eviloni maĩ Kola, Tavua, Lekemu, na Sema. 44 Sema nĩwe waĩ ĩthe wa Laamu ĩthe wa Yolikeamu. Lekemu nĩwe waĩ ĩthe wa Samai. 45 Mwana wa Samai aĩ Maoni. Maoni aĩ ĩthe wa Mbethi-suli. 46 Kĩveti kya ndũsyo* kya Kalevu kĩla kyeetawa Evaa nĩkyasyaie Alani, Mosa, na Ngasesi. Alani nĩwe waĩ ĩthe wa Ngasesi. 47 Ana ma Yatai maĩ Lekemu, Yothamu, Ngesani, Veleti, Evaa, na Saavu. 48 Kĩveti kya ndũsyo* kya Kalevu kĩla kyeetawa Maaka nĩkyasyaie Seveli na Tiliana. 49 Ĩtina wa ĩvinda, nĩkyasyaie Saavu ĩthe wa Matimana na Sieva ĩthe wa Makivena na Ngivea. Mwĩĩtu wa Kalevu eetawa Akisa. 50 Ii nĩsyo syaĩ nzyawa sya Kalevu.

Ana ma Uulu mwana ũla mũkũũ wa Evilatha maĩ Sovali ĩthe wa Kiliathi-yealimu, 51 Salima ĩthe wa Mbethileemu, na Alevu ĩthe wa Mbethi-ngateli. 52 Ana ma Sovali ĩthe wa Kiliathi-yealimu maĩ aa: Aloe na nusu ya andũ ma Menuothi. 53 Mĩsyĩ ya Kiliathi-yealimu yaĩ Aithili, Avutu, Asumathi, na Amisila. Anzolathi na Asitaoli maumie mĩsyĩnĩ ĩsu. 54 Ana ma Salima maĩ Mbethileemu, Anetova, Atilothi-mbethi-yoavu, nusu ya Amanaathi, na Anzoli. 55 Mĩsyĩ ya aandĩki ala mekalaa Yavesu yaĩ Atilathi, Asimeathi, na Asukathi. Asu maĩ Akeni ala maĩ nzyawa sya Amathi ĩthe wa nyũmba ya Lekavu.