Kwosana na Maliko

16 Na mũthenya wa Savato wathela, Meli Makatalene, Meli inyia wa Yakovo, na Salome mathooa syĩndũ syĩ mũuke mũseo nĩ kana mathi kũvaka mwĩĩ wa Yesũ. 2 Na kwakya tene, mũthenya wa mbee wa kyumwa, mathi mavika mbũanĩ syũa yĩyuma. 3 Na makũlanasya atĩĩ: “Nũũ ũkũtũvingilitĩlya ĩvia kuma mũomonĩ wa mbũa?” 4 Ĩndĩ yĩla masyaisye ĩũlũ, meethĩa ĩvia nĩyĩvingilitilwʼe yavetwa, o na kau yaĩ ĩnene mũno. 5 Yĩla malikile mbũanĩ, nĩmoonie mwanake ekalĩte ngalĩ ya kwʼoko kwa aũme, ekĩĩte kanzũ nzaũ, na masengʼa. 6 Nake amea: “Mũikasengʼe. Mwĩmantha Yesũ Mũnasaleti ũla ũnooaĩwe mũtĩnĩ. Nũthayũũkiwʼe. Nde vaa. Sisyai, vaa nĩ vo manamwiĩte. 7 Ĩndĩ endai mũkatavye amanyĩwʼa make na Vetelo, mũimea, ‘E nzĩanĩ aendete Kalilii. Mwĩmwĩthĩa kũu, o tondũ wamũtavisye.’” 8 Kwoou yĩla maumaalile, masemba kuma mbũanĩ, matetemete na masengʼete mũno. Na mayaatavya mũndũ o na ũmwe, nũndũ nĩmakĩaa. *