Ĩvuku ya Mbee ya Mavinda
3 Aa nĩmo ana ala Ndaviti wasyaĩwe e Eviloni: Aminoni mwana wake ũla mũkũũ, ũla inyia waĩ Ainoamu wa Yesileeli; wa kelĩ, Ndanieli, ũla inyia waĩ Avikaili na waĩ Mũkalimeli; 2 wa katatũ, Avisalomu mwana wa Maaka mwĩĩtu wa Talimai mũsumbĩ wa Ngesuli; wa kana, Atoniya mwana wa Akithi; 3 wa katano, Sevatia, ũla inyia waĩ Avitali; na wa thanthatũ, Ithileamu, ũla inyia waĩ Ekila kĩveti kya Ndaviti. 4 Asyaĩwe ana asu thanthatũ e Eviloni; asumbĩkie e kũu myaka 7 na myei 6, na asumbĩkie e Yelusalemu myaka 33.
5 Aa nĩmo wasyaĩwe e Yelusalemu: Simea, Sovavu, Nathani, na Solomoni; inyia wa asu me ana aĩ Mbathi-sieva mwĩĩtu wa Amieli. 6 Na ana angĩ kenda maĩ Iviali, Elisama, Elivieleti, 7 Noka, Neveki, Yavia, 8 Elisama, Eliata, na Elivieleti. 9 Asu onthe maĩ ana ma Ndaviti, tũtatalĩte ana ma iveti sya ndũsyo,* na mwĩĩtu-a-inyia woo eetawa Tamali.
10 Mwana wa Solomoni aĩ Leovoamu; Aviya aĩ mwana wake, Asa mwana wake, Yeosavati mwana wake, 11 Yeolamu mwana wake, Aasia mwana wake, Yeoasi mwana wake, 12 Amasia mwana wake, Asalia mwana wake, Yothamu mwana wake, 13 Aasu mwana wake, Esekia mwana wake, Manase mwana wake, 14 Amoni mwana wake, Yosia mwana wake. 15 Ana ma Yosia maĩ Yoanani ũla waĩ mwana wake ũla mũkũũ, wa kelĩ, Yeoiakimu, wa katatũ, Nzetekia, wa kana, Salumu. 16 Ana ma Yeoiakimu maĩ Yekonia mwana wake na Nzetekia mwana wake. 17 Ana ma Yekonia ũla mwovwa maĩ Sealitieli, 18 Malikilamu, Vetaia, Senasali, Yekamia, Osama, na Netavia. 19 Ana ma Vetaia maĩ Nzeluvaveli, na Simei; na ana ma Nzeluvaveli maĩ Mesulamu na Aanania (na mwĩĩtu-a-inyia woo eetawa Selomithi); 20 na ana angĩ atano maĩ Asiuva, Oeli, Mbelekia, Asatia, na Yusavu-eseti. 21 Na ana ma Aanania maĩ Velatia na Yesaia; mwana* wa Yesaia aĩ Levaia; mwana* wa Levaia aĩ Alinani; mwana* wa Alinani aĩ Ovatia; mwana* wa Ovatia aĩ Sekania; 22 na ana ma Sekania maĩ Semaia na ana ma Semaia: Atusi, Ikali, Mbalia, Nealia, na Savati, onthe maĩ thanthatũ. 23 Na ana ma Nealia maĩ Elioenai, Isikia, na Asilikamu, ana atatũ. 24 Na ana ma Elioenai maĩ Otavia, Eliasivu, Velaia, Akuvu, Yoanani, Ndelaia, na Anani, ana mũonza.