Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • 2 Asumbĩ 12
  • Mbivilia ya Ũalyũlo wa Nthĩ Nzaũ

Vai vitio ya kĩla wanyuva.

Vole, ve thĩna waumĩla.

2 Asumbĩ—Maũndũ Ala me Vo

      • Yeoasi, mũsumbĩ wa Yuta (1-3)

      • Yeoasi aitũngĩĩa kũla ĩkalũ yaanangĩkĩte (4-16)

      • Asilia maivithũkĩa ndũa (17, 18)

      • Yeoasi ayũawa (19-21)

2 Asumbĩ 12:5

Maelesyo ma Kwongeleela

  • *

    Kana “anyanya moo.”

  • *

    Kana “yalĩkĩte.”

2 Asumbĩ 12:10

Maelesyo ma Kwongeleela

  • *

    Kana “makasyĩkĩa mĩvukonĩ.” Ndeto kwa ndeto, “makasyova.”

2 Asumbĩ 12:17

Maelesyo ma Kwongeleela

  • *

    Ndeto kwa ndeto, “Aasaeli eelekelya ũthyũ wake kũthi.”

2 Asumbĩ 12:20

Maelesyo ma Kwongeleela

  • *

    Kana “mamũaĩa Mbethi-milo.”

  • Mbivilia ya Ũalyũlo wa Nthĩ Nzaũ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
Mbivilia ya Ũalyũlo wa Nthĩ Nzaũ
2 Asumbĩ 12:1-21

Ĩvuku ya Kelĩ ya Asumbĩ

12 Mwakanĩ wa mũonza wa Yeu, Yeoasi nĩwatwʼĩkie mũsumbĩ, na asumbĩkie e Yelusalemu myaka 40. Inyia wake eetawa Nzivia, na aumĩte Mbeeli-sieva. 2 Yeoasi aendeeie kwĩka kĩla kĩseo methonĩ ma Yeova mĩthenya yonthe ĩla mũthembi Yeoiata waĩ mũtai wake. 3 Ĩndĩ kũndũ kũtũlu kũyaavetwa, na andũ no maendeeie kũthemba nthembo na kũtuma itoa ĩũlũ wa kũndũ kũu kũtũlu.

4 Nĩvo ĩndĩ Yeoasi weeie athembi atĩĩ: “Osai mbesa syonthe ila ietetwe nyũmbanĩ ya Yeova syĩthĩwe nthembo ila ntheu, mbesa ila itwʼĩĩwe kĩla mũndũ, mbesa ila inenganĩtwe nĩ andũ kwosana na mawĩvĩto, na mbesa syonthe ila kĩla mũndũ ũsukumĩtwe nĩ ngoo yake aete nyũmbanĩ ya Yeova. 5 Athembi nĩmo ene maĩlĩte kwosa mbesa isu kuma kwa ala meũmanenga* na mayĩitũmĩa kũtũngĩĩa ĩ nyũmba, kwʼonthe kũla yanangĩkĩte.”*

6 Kũvikĩĩa mwaka wa 23 wa Mũsumbĩ Yeoasi, athembi mayaĩ maaĩsa kũtũngĩĩa kũla nyũmba ĩsu yaanangĩkĩte. 7 Na kwoou Mũsumbĩ Yeoasi eeta mũthembi Yeoiata na athembi ala angĩ na amea: “Nĩkĩ mũtaaĩsa kũtũngĩĩa nyũmba ĩno kũla kwanangĩku? Mũikasyoke kwosa mbesa ingĩ kuma kwa ala meũmũnenga ethĩwa mũyĩũitũmĩa kũtũngĩĩa nyũmba ĩno.” 8 Na kwoou athembi meetĩkĩla kana maiosa mbesa ingĩ kuma kwa andũ na kana wĩa wa kũtũngĩĩa nyũmba ĩsu ndwĩĩthĩwa mokonĩ moo.

9 Na ĩndĩ mũthembi Yeoiata oosa ĩsandũkũ na ayĩvũthũa ĩima ngunĩkonĩ yayo na ayia ũtee wa kĩthembeo yĩ kwʼokonĩ kwa aũme kwa ũla ũkũlika nyũmbanĩ ya Yeova. Vau nĩ vo athembi ala maĩ asungi ma mĩomonĩ meekĩaa mbesa syonthe ila syaetwe nyũmbanĩ ya Yeova. 10 Na kĩla ĩvinda moona kana ve mbesa mbingĩ ĩsandũkũnĩ, mũandĩki wa mũsumbĩ na mũthembi mũnene nĩmookaa makasyosa* na maitala nĩ mbesa siana ata ietetwe nyũmbanĩ ya Yeova. 11 Ĩtina wa ũu, nĩmoosaa mbesa ila syatalwa makainenga ala manyuvĩtwe maũngamĩe wĩa ũla watethawʼa nyũmbanĩ ya Yeova. Namo asu masyosa nĩmaitũmĩaa kũĩva mavundi ma mbwaũ na ma mwako ala mathũkũmaa nyũmbanĩ ya Yeova, 12 o vamwe na mavundi ma mavia na ala masaa mavia. O na ĩngĩ, nĩmathooie mbwaũ na mavia mase kwondũ wa kũtũngĩĩa kũla kwanangĩku nyũmbanĩ ya Yeova na nĩmatũmĩie mbesa isu kũĩvĩa ngalama ila ingĩ syonthe syakonanĩtye na wĩa wa kũtũngĩĩa nyũmba ĩsu.

13 Ĩndĩ vai mbesa o na imwe katĩ wa ila syaetiwe nyũmbanĩ ya Yeova syaatũmĩwa kũseũvya tũlaĩ twa vetha, syĩndũ sya kũvosya mwaki, mbakũli, masoo, kana kĩndũ kĩngĩ o na kĩva kya thaavu kana vetha kwondũ wa nyũmba ya Yeova. 14 Manengae mbesa isu o ala mathũkũmaa wĩa ũsu, na nĩmaitũmĩie kũtũngĩĩa nyũmba ya Yeova. 15 Na mayakũlasya ũtalo kuma kwa aũme ala mamanenga mbesa maĩve athũkũmi, nũndũ maĩ aĩkĩĩku. 16 Ĩndĩ mbesa ila syaumawʼa kwondũ wa nthembo sya ĩvĩtyo na mbesa ila syaumawʼa kwondũ wa nthembo sya naĩ iyaetawe nyũmbanĩ ya Yeova; isu syaĩ sya athembi.

17 Ĩvinda yĩu nĩwʼo Aasaeli mũsumbĩ wa Silia wambatie okite na Ngathi, na amĩkwata, na ĩtina wa ũu, nĩwavangie kũvithũkĩa* Yelusalemu. 18 Nĩvo ĩndĩ Mũsumbĩ Yeoasi wa Yuta woosie nthembo syonthe ntheu ila syatheetwʼe nĩ aa-ũmae make Yeosavati, Yeolamu, na Aasia, asumbĩ ma Yuta, o vamwe na nthembo syake mwene ila ntheu na thaavu wʼonthe ũla waĩ kũla kwaiawa ũthwii wa nyũmba ya Yeova na kũla kwaiawa ũthwii wa nyũmba ya mũsumbĩ, na atũmana itwaĩwe Aasaeli mũsumbĩ wa Silia. Na kwoou Aasaeli eevetanga Yelusalemu.

19 Na ngewa ĩla ĩngĩ ya Yeoasi, maũndũ onthe ala weekie, yo ti mbandĩke ĩvukunĩ ya ngewa ya mavinda ma asumbĩ ma Yuta? 20 Ĩndĩ athũkũmi ma Yeoasi nĩmakwatanie na mavangĩthya mũvango wa kũmũmina na mamũaĩa nyũmbanĩ ya Kĩvumbu,* ĩla yĩ nzĩanĩ ĩla ĩtheete Silila. 21 Athũkũmi make Yosakali mwana wa Simeathi na Yeosavatu mwana wa Someli nĩmo mamũkũnie mamũaa. Na ĩndĩ mamũthika vamwe na aa-ũmae make Ndũanĩ ya Ndaviti, na mwana wake Amasia atwʼĩka mũsumbĩ vandũ vake.

Kikamba Publications (1950-2025)
Uma
Lika Nthĩnĩ
  • Kikamba
  • Tũma
  • Mũvangĩle ũla ũkwenda
  • Copyright © 2025 Watch Tower Bible and Tract Society of Pennsylvania
  • Mĩao ya Kũtũmĩa
  • Ũvoo Waku wa Kĩmbithĩ
  • Mpangilio wa Faragha
  • JW.ORG
  • Lika Nthĩnĩ
Tũma