Ũsyao Waĩ Mwaũ​—⁠Kũmwĩthukĩĩsya Satani?

Atamu na Eva mayaamwĩwʼa Ngai, kwoou makwʼa. Mwambĩlĩlyo 3:​6, 23

Eva nĩweethukĩĩsye nzoka na aya ũsyao wa mũtĩ. Ĩtina, anenga Atamu ũsyao ũmwe, na aya.

Ũndũ meekie ndwaĩle​—⁠yaĩ naĩ. Ngai nĩwamalũngilye mauma valatisonĩ.

Mwĩkalĩle woo na wa syana syoo weethĩiwe wĩ mũmũ. Nĩmakũie na makwʼa. Mayaatwʼĩka syumbe sya kĩveva; nĩmathelile kana meethĩwa mate vo.

Akwʼũ mai thayũ no ũndũ ũmwe na kĩtoo. Mwambĩlĩlyo 3:​19

Tũkusaa nũndũ twĩ ũsyao wa Atamu na Eva. Akwʼũ maitonya kwona kana kwĩwʼa kana kwĩka ũndũ o na wĩva.​—⁠Mũtavanʼya 9:​5, 10.

Ndwaĩ mũvango wa Yeova andũ makusae. O mĩtũkĩ akathayũũkya ala akwʼũ. Ethĩwa makamwĩthukĩĩsya, makekala tene na tene.