ĨSOMO YA 16

Wĩa wa Athũkũmi ma Kĩkundi Nĩ Mwaũ?

A ministerial servant helping with literature distribution — Myanmar

A ministerial servant giving a spiritual talk — Kĩlungu kya ũmbano

A ministerial servant conducting a meeting — Kĩkundi kya ũtavanyʼa

A ministerial servant assisting with Kingdom Hall maintenance — Kũsũvĩa Nyũmba ya Ũsumbĩ

Mbivilia ĩeleetye ikundi ilĩ sya aũme Aklĩsto ala masũvĩaa maũndũ ma kĩkundi—“asyaĩĩsya na athũkũmi” ma kĩkundi (Avilivi 1:1) Kaingĩ, nĩvethĩawa na atumĩa na athũkũmi ma kĩkundi meana ũndũ mũna nthĩnĩ wa kĩla kĩkundi. Athũkũmi ma kĩkundi matethasya wĩa mwaũ kwondũ witũ?

Matetheeasya nzama ya atumĩa. Athũkũmi ma kĩkundi nĩ aũme mendeeawʼa nĩ maũndũ ma kĩveva, nĩ ma kwĩkwatwʼa, nĩ athangaau, na amwe nĩ ma mũika na angĩ nĩ akũũ. O na kau wĩa wa athũkũmi asu ti kũmanyĩsya na kũsũvĩa ĩĩthya, nĩmatethasya mawĩa ma vata kĩkundinĩ ala no nginya matethwʼe. Ũu ũtumaa atumĩa methĩwa na mwanya wa kũmanyĩsya na kũsũvĩa ĩĩthya.

Mathũkũmaa angĩ. Athũkũmi amwe ma kĩkundi nĩmanengawe wĩa wa kũthokya andũ onthe ala mooka maũmbanonĩ. Angĩ no manengwe wĩa wa kũthũkũma na mĩio ya wasya, kũnengane mavuku, kwĩka masavu ma kĩkundi, na kũnenga atavanyʼa ma kĩkundi kĩsio kya kũtavanyʼa. Ĩngĩ nĩmatetheeasya kũsũvĩa Nyũmba ya Ũsumbĩ. Atumĩa no makũlye athũkũmi ma kĩkundi matetheesye ala akũũ. Athũkũmi asu methĩawa na wendi wa kũtethya wĩa wʼonthe ũla manengwa, na kwondũ wa ũu, kĩkundi nĩkĩmanengae ndaĩa.—1 Timotheo 3:13.

Maiaa ngelekanyʼo nzeo ya aũme Aklĩsto. Athũkũmi ma kĩkundi manyuvawa nũndũ wa ndaĩa syoo nzeo sya Kĩklĩsto. Ĩla maaĩwa kũmanyĩsya maũmbanonĩ, nĩmalũlũmĩĩlasya mũĩkĩĩo witũ. Nũndũ mo nĩ ngelekanyʼo nzeo ũtavanyʼanĩ, ũu ũtumaa tũthangaaa mũnango. Kwa kwĩthĩwa me ngwatanĩo na nzama ya atumĩa, ũu nũetae ngwatanĩo na ũtanu. (Aeveso 4:16) Ĩtina wa ĩvinda, nĩmatonya kũtwʼĩka atumĩa.

Athũkũmi ma kĩkundi nĩ aũme mailyĩ ata?
Athũkũmi ma kĩkundi matetheeasya kĩkundi ata kũendeea nesa?