Ũndũ Ũtonya Kũtũmĩa Kavuku Kaa

Nthĩnĩ wa kavuku kaa nũkwona ĩandĩko ya mũthenya na maelesyo ala mayĩkonetye. O na kau nũtonya kũsoma ĩandĩko na maelesyo saa ila ũkwenda, andũ aingĩ monaa wĩ ũseo kwĩka ũu kwakya. Meeka ũu, methĩawa matonya kũsũanĩa ĩũlũ wa ĩandĩko yĩu mũthenya wʼonthe. Yĩla andũ ma mũsyĩ masoma ĩandĩko me vamwe nĩmatethekaa mũno. Athũkũmi ma Mbetheli syonthe ĩũlũ wa nthĩ mekaa ũu saa sya kwĩtwʼa ĩta.

Maelesyo ala makonetye ĩandĩko maumĩtwʼe makasetinĩ ma Mũsyaĩĩsya (w) ma Mwei wa 4, 2023, nginya Mwei wa 3, 2024. Namba sya mbee ila iatĩĩe matukũ ala monanĩtwʼe ma ĩkaseti ya Mũsyaĩĩsya syĩonanyʼa namba ya ĩthangũ, nasyo namba sya kelĩ syĩonanyʼa tũlungu twa ĩsomo yĩla yumĩtwʼe maelesyo. (Sisya ngelekanyʼo ĩno yĩ vaa ĩtheo.) Wenda kũkwata ũvoo mwingangĩ ĩũlũ wa kĩla kĩũneenewa nthĩnĩ wa ĩandĩko, soma kĩlungu kya ĩkaseti vala maelesyo maumĩtwʼe.