“Mataĩei Ala Mailyĩ” Ũu
MWAKANĨ wa 1992 Nzama Ĩla Ĩtongoesye nĩyambĩĩe kũnyuva atumĩa me na ũmanyi mwingĩ na aima kĩ-veva matetheesye kamitii sya nzama ĩsu kwĩanĩsya wĩa wasyo.a O na kau atetheesya asu maumĩte kĩkundinĩ kya ala “malondu angĩ,” nĩmatetheeasya Nzama Ĩla Ĩtongoesye mũno. (Yoa. 10:16) Ana-a-asa asu nĩmaendaa ũmbanonĩ wa kĩla kyumwa wa kamitii ĩla matetheeasya, na mainengane ũvoo w’onthe ũla ũtonya kũtethya na mayumya mawoni moo. Ala ma Nzama Ĩla Ĩtongoesye nĩmo mekaa motwi, namo atetheesya moo maĩkĩĩthasya kana ũtwi ũla weekwa nĩwaatĩĩwa, na kana mo ene nĩmeanĩsya wĩa ũla manengwa. Atetheesya asu nĩmaendanasya na ala ma Nzama Ĩla Ĩtongoesye maũmbanonĩ ma mwanya na maũmbanonĩ manene ma nthĩ mbingĩ. O na mavinda angĩ nĩmatũmawa nĩ ovisi ũla mũnene wa Ngũsĩ sya Yeova makathokee movisi ma ũvonge.
Mwana-a-asa ũmwe wĩthĩĩtwe e mũtetheesya kuma mũvango ũsu wambĩĩw’a aĩtye atĩĩ: “Ĩla neanĩsya wĩa ũla nĩnengetwe, Nzama Ĩla Ĩtongoesye yĩthĩawa yakwata mwanya wa kũsisya nesanga vyũ mawĩa mayo.” Nake ũngĩ asũanĩa myaka 20 ĩla wĩthĩĩtwe e mũtetheesya aĩtye ũũ: “Ĩno yĩthĩĩtwe yĩ ndaĩa nene mũno mbee wa ũndũ naĩ ndonya kũsũanĩa.”
Nzama Ĩla Ĩtongoesye nĩnengete atetheesya asu wĩa mwingĩ, na nĩyĩw’aa mũyo mũno nũndũ wa wĩa ũla ana-a-asa asu aĩkĩĩku na me kĩthito mathũkũmaa. Ekai ĩndĩ ithyonthe tũtw’e kũendeea ‘kũtaĩa asu mailyĩ’ ũu.—Avi. 2:29.
a Wenda kũmanya o kwa ũkuvĩ mawĩa ala matethaw’a nĩ kamitii syĩ thanthatũ sya Nzama Ĩla Ĩtongoesye sisya ĩsandũkũ “Jinsi Baraza Linaloongoza Linavyoshughulikia Mambo ya Ufalme” kĩlungunĩ kya 12 kya ĩvuku Ufalme wa Mungu Unatawala!