Imanyĩthya

◼ Mavuku ala twĩnengane Mweinĩ wa 9 na wa 10: Makaseti ma Mnara wa Mlinzi na Amkeni! Ĩla wasyokea mũndũ, tũmĩa ĩvuku Mbivilia Ĩmanyĩasya kana kwosana na ũtonyi wake no ũtũmĩe mbulosua Mwĩthukĩĩsye Ngai kana Mwĩthukĩĩsye Ngai Wĩkale Tene na Tene, na ũitata wambĩĩe kwĩmanyĩsya Mbivilia vamwe nake. Mwei wa 11 na wa 12: Atavanyʼa no matũmĩe kamwe ka tũthangũ tũũ tũandĩke: Ngũsĩ sya Yeova Iĩkĩĩaa Kyaũ?, Thayũ Nthĩnĩ wa Nthĩ Nzaũ yĩ Mũuo, Thĩna Wʼonthe Ũkathela, We Wĩna Veva Ũtatonya Ũkwʼa?, Wĩkwatyo kwa Endwa ala Akwʼũ, Je! Ulimwengu Huu Utaokoka?, na Yehova—Yeye Ni Nani? Ethĩwa mwene nyũmba nũkwendeewʼa, mwonyʼe ũndũ twĩmanyĩasya Mbivilia na andũ ũitũmĩa ĩvuku Mbivilia Ĩmanyĩasya kana ĩmwe ya mbulosua Mwĩthukĩĩsye Ngai kana Mwĩthukĩĩsye Ngai Wĩkale Tene na Tene.

◼ Ũvoo wa mwanya wa andũ onthe wa ĩvinda ya Ũlilikano wa kĩkwʼũ kya Yesũ mwaka wa 2013 ũkaumwʼa kyumwanĩ kya ĩtukũ 1 Mwei wa 4. Kyongo kya ũvoo ũsu kĩkatangaaswa ĩvinda yũkĩte. Ikundi ila ikethĩwa ithokewe nĩ mũsyaĩĩsya wa mũthyũlũlũko kana syĩ na ũmbano mũnene mũthyanĩ wa kyumwa kyu ikaumĩwʼa ũvoo wa mwanya kyumwa kĩla kĩkatĩĩa. Vaiĩ kĩkundi kyaĩle kumĩwʼa ũvoo wa mwanya kyumwa kya ĩtukũ 1 Mwei wa 4 kĩtavikĩte.