Ũndũ Ũtonya Kwasya

Kũtũmĩa Wathanthatũ wa Mbee wa Mwei wa 10 Kũmantha Andũ ma Kũmanyĩwʼa Mbivilia

“Nĩnĩsĩ nũkwĩtĩkĩla kana thayũ witũ wonekaa wĩ mũkuvĩ mũno. Nũkwona ta ve ĩvinda yĩvika tũvetange mowau onthe na ĩndĩ tũiasavangya thayũ witũ? [Eteela asũngĩe.] Kwoona ũndũ ĩkaseti yĩĩ yĩkwasya.” Nenga mwene nyũmba ĩkaseti ya ĩtukũ 1 Mwei wa 10 ya Mnara wa Mlinzi, na ũisoma nake ũvoo ũla wĩ nthĩnĩ wa kyongo kĩnini kya mbee ĩthangũnĩ ya 16 na ĩandĩko yĩla yĩ vo. Mũkũlye kana nũkwenda kũtiĩwa makaseti, na ũivanga ũsyoke mũsisye ĩkũlyo yĩla yĩatĩĩe.

Mnara wa Mlinzi 01/10/12

“Twamũthokea nũndũ nĩtwĩsĩ kana andũ aingĩ nĩmathĩnĩkaa mũno nĩ kwongeleka kwa ũlũsani viasalanĩ na silikalĩnĩ. We wĩona ta ve ũndũ wĩkwa thĩna ũsu ũkavetangwa? [Eteela asũngĩe.] Ona ũndũ ĩkaseti yĩĩ yĩkwasya ĩũlũ wa ũndũ Yesũ ũkeka kwelekela ala maaĩkwa syĩko sya ũlũsani. [Soma Savuli 72:12-14.] Ĩkaseti yĩĩ yĩonanyʼa ũndũ o mĩtũkĩ ũlũsani ũkathela.”

Amkeni! Mwei wa 10

“Asyai aingĩ mendaa syana syoo ikwate kĩsomo kĩseo. We wĩona andũ ala meũmina sukulu ĩvinda yĩĩ ta methĩawa meyũmbanĩtye kwondũ wa mathĩna ala twĩ namo? [Eteela asũngĩe.] Kwoona ũndũ Mbivilia yaĩtye ĩũlũ wa ũseo wa kwĩthĩwa na ũmanyi na ũĩ. [Soma Mũtavanʼya 7:12.] Ĩkaseti yĩĩ nĩyonanĩtye nzĩa itano sya kũtetheesya syana syĩke nesa sukulu.”