No Nginya Ũũngamye Ũtavanyʼa?

Ĩla twĩ ũtavanyʼa, atavanyʼa amwe mamanyĩie kũminaa ũtavanyʼa masaa mana, mũno mũno saa sita sya mũthenya. Nĩ ũndũ ũtonyeka ũkethĩa ve kĩtumi kya amwe maũngamye ũtavanyʼa woo masaa mana. We nĩwĩthĩwa ũũngamasya ũtavanyʼa masaa mana nũndũ aangĩ nĩmaũngamya, kana no kwĩthĩwa ũũngamasya nũndũ nĩ kĩmanyĩo kĩsionĩ kyenyu? No ũendeee na ũtavanyʼa ũte wa nyũmba na nyũmba, ta kũtavanyʼa nzĩanĩ? No ũsyokee mũndũ ũmwe kana elĩ wĩnũkĩte? Kwasũanĩa ĩũlũ wa ũseo ũla wĩka wĩthĩĩte o ĩsyokeo yĩmwe kana ũnengete mũndũ makaseti nzĩanĩ! Ethĩwa tũi na kĩtumi kya kũũngamya ũtavanyʼa, kũendeea kwa ndatĩka o nini nĩ nzĩa yĩ laisi ya kwongeleela ‘nthembo yitũ ya ndaĩa.’​—Aevl. 13:15.