Matukũ 5-11, Mwei wa 12

• Wathi 16 na Mboya

• Ndeto sya Kwambĩĩa (Ndũkavĩtũke ndat. 3)

MAŨNDŨ MA VATA KUMA NDETONĨ YA NGAI

• “Twambate Kĩĩmanĩ kya Yeova”: (Ndat. 10)

  • [Thaũka vitio yĩ na kyongo Maelesyo Ĩũlũ wa Ĩvuku ya Isaia.]

  • Isa 2:2, 3—“Kĩĩma kĩ nyũmba ya Yeova” kyonanasya ũthaithi wa wʼo (ip-1-SW 38-41 ¶6-11; 44-45 ¶20-21)

  • Isa 2:4—Athaithi ma Yeova mayĩmanyĩasya kaũ (ip-1-SW 46 ¶24-25)

• Kũmantha Ũthwii wa Kĩ-veva: (Ndat. 8)

  • Isa 1:8, 9—Nĩ kwa nzĩa yĩva mwĩĩtu wa Saioni ‘watiiwe ta ĩlwanda mũũndanĩ wa mĩsavivũ’? (w06-SW 12/1 8 ¶5)

  • Isa 1:18—Ndeto “tũsũanĩe vamwe,” ila Yeova wawetie syonanasya ata? (w06-SW 12/1 9 ¶1; it-2-E 761 ¶3)

  • Nĩĩmanyĩsya kyaũ ĩũlũ wa Yeova kumana na kĩlungu kya kũsoma Mbivilia kya kyumwa kĩĩ?

  • Nĩ maũndũ meva ndonya kũtũmĩa ũtavanyʼanĩ kumana na kĩlungu kya kũsoma Mbivilia kya kyumwa kĩĩ?

• Kũsoma Mbivilia: (Ndũkavĩtũke ndat. 4) Isa 5:1-13

ĨKĨA KĨTHITO WĨTHĨWE MŨTAVANYʼA MŨSEO

• Ĩyũmbanĩsye Ũtavanyʼa Mwei Ũũ: (Ndat. 15) Ũneenanyʼa na ethukĩĩsya kuma kĩlungunĩ kĩla kĩ na kyongo “Ũndũ Ũtonya Kwasya.” Thaũka vitio sya mavuku ala mekumwʼa mwei ũũ, na ĩndĩ mũineenea maũndũ ala manene. Thuthya atavanyʼa maandĩke na ndeto syoo maũndũ ala mekwenda kũtũmĩa ũtavanyʼanĩ.

MWĨKALĨLE WA AKLĨSTO

• Wathi 139

• Mavata ma Kĩkundi: (Ndat. 7) No mũneenee maũndũ ala tũkwĩmanyĩsya kuma ĩvukunĩ Kitabu cha Mwaka (yb16-SW 32 ¶3–34 ¶1)

• “Ũndũ Tũtonya Kwĩthĩwa Atavanyʼa Aseo—Kũkiita Ngoo ya Mũmanyĩwʼa Ũtũmĩĩte Ĩvuku ‘Ĩyĩkalyei Ene Wendonĩ wa Ngai’”: (Ndat. 8) Ũneenanyʼa na ethukĩĩsya. Mweinĩ ũũ, thuthya ala me na kĩlungu kya katatũ kya amanyĩwʼa kĩla kĩthĩawa na kyongo “Kwĩmanyĩsya Mbivilia na Mũndũ” matũmĩe maũndũ ala me ĩthangũnĩ ya 261-262, nthĩnĩ wa ĩvuku Shule ya Huduma.

• Ĩmanyĩsyo ya Mbivilia ya Kĩkundi: (Ndat. 30) fy kĩl. 9 kal. 18-22

• Syokeleela Maũndũ Ala Tweemanyĩsya na Ũiweta kwa Ũkuvĩ Maũndũ Ala Tũkemanyĩsya Kyumwa Kĩla Kĩatĩĩe (Ndat. 3)

• Wathi 154 na Mboya

  Kĩmanyĩthya: Wathi ũũ mweũ wambe kũthaũkwa kĩkundi kĩthukĩĩsye, na ĩndĩ kĩyina.