MAŨNDŨ MA VATA KUMA NDETONĨ YA NGAI | ISAIA 1-5
“Twambate Kĩĩmanĩ kya Yeova”
2:2, 3
‘Mĩthenyanĩ ya mũminũkĩlyo’ |
Ĩvindanĩ yĩĩ tũilyĩ |
“Kĩĩma kĩ nyũmba ya Yeova” |
Ũthaithi wa wʼo wa Yeova ũla wĩ ĩũlũ wa mothaithi ala angĩ onthe |
“Mbaĩ syonthe ikakĩendeaa” |
Ala mendete ũthaithi wa wʼo mombanaa vamwe me ngwatanĩo |
“Ũkai inywʼĩ, twambate kĩĩmanĩ kya Yeova” |
Athaithi ma wʼo nĩmathokasya angĩ mathaithe ĩmwe |
“Nake akatũmanyĩsya nzĩa syake, na tũkaendaa nzĩanĩ syake” |
Atũmĩĩte Ndeto yake, Yeova nũtũmanyĩasya na akatũtetheesya kũendaa nzĩanĩ syake |
2:4
“O na itikemanyĩsya kaũ ĩngĩ” |
Isaia nĩwaeleisye kana mĩio ya kaũ ĩkatwʼĩkĩthwʼa mĩio ya nĩma, na ũu woonanasya kana andũ ma Yeova makeethĩwa me andũ ma mũuo. Mĩio ĩsu ya kaũ yaĩ yĩkũ ĩvindanĩ ya Isaia? |
‘Mbyũ syoo ikatwʼĩkĩthwʼa mĩthya ya maembe ma ngʼombe’ |
Mĩthya ya maembe ma ngʼombe yaĩ kĩlungu kya mũlaũ kĩla kyatũmĩawa kũĩma. Ĩmwe yaseũvawʼa na kyũma.—1Sa 13:20 |
“Matumo moo [makatwʼĩkĩthwʼa] tũvyũ twĩ ngoto twa kũsea” |
Nĩvatonyeka tũvyũ twĩ ngoto twa kũsea tũkethĩwa twailyĩ ta sikũũ kana mũngʼei ũla waseũvawʼa na kyũma na ũyĩathĩĩwa kĩkwati. Mũio ũũ watũmĩawa kũtwʼa nzavivũ.—Isa 18:5 |