“Nĩwʼo Wekie”

6:9, 13-16, 22

Kwasũanĩa wĩa mwingĩ mũno ũla Noa na mũsyĩ wake matethisye wa kwaka ngalawa mateũtũmĩa nzĩa sya kwaka vamwe na mĩio ila tũtũmĩaa ũmũnthĩ.

• Ngalawa ĩsu yaĩ nene mũno nũndũ yaĩ na ũasa wa ta mita 133 (vuti 437), waamu wa ta mita 22 (vuti 73), na ũtũlu wa ta mita 13 (vuti 44)

• Nĩmaaĩle kũtila mĩtĩ, mamĩseũvye nesa, na ĩndĩ maimĩkua makamĩtũmĩe kwaka ngalawa

• O na kau ngalawa ĩsu yaĩ nene mũno, nĩmaaĩle kũmĩvaka lami nza na nthĩnĩ

• Noa na andũ ma mũsyĩ wake nĩmaaĩle kũmbanyʼa lĩu mo matonya kũya vandũ va mwaka ũmwe vamwe na nyamũ ila syalikile ngalawanĩ

• Nĩvatonyeka ngalawa ĩsu ĩkethĩwa yaakiwe kwa myaka katĩ wa 40 na 50

Ngewa ĩno ĩtonya kũũtetheesya ata yĩla ũkwĩwʼa ne ũndũ wĩ vinya kwĩka kĩla Yeova ũtwĩĩte twĩke?