MAŨNDŨ MA VATA KUMA NDETONĨ YA NGAI | KUMA 39-40

Mose Nĩweekie Kyonthe Kĩla Yeova Wamwĩaĩe

Mose nĩwaatĩĩie vyũ myolooto ĩla Yeova wamũnengete ĩũlũ wa kwaka na kũvanga ĩeema ya kũmbanĩa o tondũ watavĩtwʼe. O ta ũu, o naitũ nĩtwaĩle kũatĩĩaa vyũ myolooto ĩla twanengwa nĩ ũseũvyo wa Yeova, na tũyĩthĩawa twĩyũmbanĩtye ĩvinda yonthe kwĩwʼa kuma ngoonĩ. Twaĩle kwĩkaa ũu o na ethĩwa twĩona myolooto ĩmwe ĩtosanĩte na kĩlĩko, kana tũte kũelewa kĩtumi kya kwĩwa twĩke maũndũ kwa nzĩa na.—Luk 16:10.

Nĩkĩ twaĩlĩte kwĩwʼa na kũatĩĩa myolooto . . .

yĩla twĩ maũmbanonĩ ma ũtavanyʼa?
ĩũlũ wa kwĩyũmbanyʼa kwondũ wa mowau ala matonya kũtũkwata tũtataĩĩe?
ĩũlũ wa kwĩyũmbanĩsya mĩisyo?

Visa: Ana-a-asa na eĩtu-a-asa maiatĩĩa maũndũ ala matavw’a. 1. Ana-a-asa na eĩtu-a-asa mailye vandũ mombanĩte kwondũ wa ũmbano wa ũtavany’a. 2. Mwĩĩtu-a-asa ũkusũsya kaati ya ũiiti. 3. Andũ ma mũsyĩ ũmwe mayĩkĩa syĩndũ mũvukonĩ sya kũtũmĩa yĩla vaumĩla ũndũ ũtataĩĩwe.