Ũndũ Ũtonya Kũmĩĩsya Ũsili Ũte wa Katĩ

Soma Mwambĩlĩlyo 37:​23-28; 39:​17-23 nĩ kana wĩmanyĩsye ngewa ya Yosevu ya ũndũ womĩĩisye ũsili ũte wa katĩ.

Sũanĩa maũndũ ala mathyũlũlũkĩte ngewa ĩsu. Nĩ kyaũ kyatumie Yosevu akuwa naĩ? (Mwa. 37:​3-11; 39:​1, 6-10) Oomĩĩisye ũsili ũte wa katĩ kwa ĩvinda yĩana ata? (Mwa. 37:2; 41:46) Ĩvindanĩ yĩu, nĩ maũndũ meva Yeova wamwĩkie na nĩ meva ũtaamwĩka?—Mwa. 39:​2, 21; w23.01 17 ¶13.

Ĩmanyĩsye mũnango. Mbivilia ndĩwetete kana Yosevu nĩweeteteie yĩla mũka wa Votivali wamwilĩĩile maũndũ ma ũvũngũ. Maandĩko aa maatĩĩe matonya kũtũtetheesya ata kũelewa nĩkĩ Yosevu watwie kwĩkala akilĩtye kana nĩkĩ tũtaĩlĩte kwĩkwatya tũtavwʼe kĩla kĩndũ? (Nth. 20:2; Yoa. 21:25; Meko 21:37) Nĩ nguma syĩva syĩthĩwa syatetheeisye Yosevu kũmĩĩsya?—Mika 7:7; Luka 14:11; Yak. 1:​2, 3.

Kĩla ũkwĩmanyĩsya. Ĩkũlye-ĩ:

• ‘Nĩ maũndũ meva mate ma ũsili wa katĩ ndonya kũkomana namo nũndũ nĩ mũmanyĩwʼa wa Yesũ?’ (Luka 21:​12, 16, 17; Aevl. 10:​33, 34)

• ‘Ndonya kwĩka ata oyu nĩyũmbanĩsye kũmĩĩsya ũsili ũte wa katĩ?’ (Sav. 62:​7, 8; 105:​17-19; w19.07 2-7)