ĨSOMO YA 6

Ve Wĩkwatyo Mwaũ kwa Ala Akwʼũ?

1. Ve ũvoo mwaũ mũseo ĩũlũ wa ala akwʼũ?

Eĩtu-a-inyia ma Lasalo, ala nĩ Matha na Meli, maimũthokya ĩtina wa kũthayũũkw’a

Ĩla Yesũ waendie Vethania, mũsyĩ waĩ vakuvĩ na Yelusaleme, eethĩie mũnyanyae Lasalo aminĩte mĩthenya ĩna kuma akwʼa. Yesũ aendie mbũanĩ e na Matha na Meli, eĩtu-a-inyia ma Lasalo. Ĩtina wa kavinda, andũ aingĩ nĩmookie vau. Kwasũanĩa Matha na Meli maĩ na ũtanu wĩana ata ĩla Yesũ wathayũũkisye Lasalo?—Soma Yoana 11:21-24, 38-44.

Matha nĩweesĩ ũvoo mũseo ĩũlũ wa akwʼũ. Nĩweesĩ kana Yeova akathayũũkya ala akwʼũ mekale ĩngĩ ĩũlũ wa nthĩ.—Soma Yovu 14:14, 15.

2. Akwʼũ mailyĩ ata?

Atamu aimina kũmbwa, na akw’a — Ngai eeie Atamu: “Wĩ kĩtoo, na nũkasyoka kĩtoonĩ.”—MWAMBĨLĨLYO 3:19.

Andũ moombiwe kuma kĩtoonĩ. (Mwambĩlĩlyo 2:7; 3:19) Ithyĩ ti maveva me nthĩnĩ wa mĩĩ ya nyama na nthakame. Kwoou ĩla twakwʼa, vaiĩ kĩndũ kĩ nthĩnĩ witũ kĩtakusaa. Ĩla twakwʼa, wʼongo witũ nũkusaa, na mesilya maitũ mayaa. Kwoou, nũndũ akwʼũ mayĩsĩ ũndũ o na wĩva, vaiĩ ũndũ Lasalo waaweta wĩthĩwa oonie ĩvinda yĩla waĩ mũkwʼũ.—Soma Savuli 146:4; Mũtavanʼya 9:5, 6, 10.

We Ngai nũthĩnasya andũ mwakinĩ ĩtina wa mamina kũkwʼa? Nũndũ Mbivilia yonanasya akwʼũ mayĩsĩ ũndũ o na wĩva, kũthĩnwʼa mwakinĩ nĩ ĩmanyĩsyo ya ũvũngũ yĩla yĩtumaa andũ mailĩĩla Ngai ũndũ ũtekaa. O na yĩsilya ya kũthĩnyʼa andũ mwakinĩ nĩ ũthatyo kwake.—Soma Yelemia 7:31.

Ĩloele vitio yĩ na kyongo, Kwĩthĩawa Ata Ĩla Mũndũ Wakwʼa?

3. Akwʼũ nĩmatonya kũneena naitũ?

Akwʼũ maitonya kũneena kana kwĩwʼa. (Savuli 115:17) Ĩndĩ ve alaĩka amwe athũku, na nĩmatonya kũneena na andũ mayĩtwʼa nĩmo andũ ala makwie. (2 Vetelo 2:4) Yeova nũtũvatĩte kũtata kũneena na akwʼũ.—Soma Kũtũngĩlĩlwa Kwa Mĩao 18:10, 11.

4. Naaũ ala methayũũkwʼa?

Mũndũũme wamina kũthayũũkw’a aimanyĩw’a ĩũlũ wa Ngai. Na mũndũũme ũsu aitavya andũ angĩ ala mamina kũthayũũkw’a.

Andũ milioni mbingĩ ala makwie makathayũũkwʼa mekale kũũ nthĩ. O na amwe makwie matamwĩsĩ Ngai na meekaa maũndũ mathũku makathayũũkwʼa.—Soma Luka 23:43; Meko ma Atũmwa 24:15.

Ala methayũũkwʼa makeethĩwa matonya kwĩmanyĩsya ũwʼo ĩũlũ wa Ngai na mayonanyʼa kana me na mũĩkĩĩo nthĩnĩ wa Yesũ kwa kũmwĩwʼa. (Ũvuanʼyo 20:11-13) Ala methayũũkwʼa na mayĩka moseo makeethĩwa matonya kũtanĩa thayũ ĩũlũ wa nthĩ tene na tene.—Soma Yoana 5:28, 29.

5. Ũthayũũkyo ũtũmanyĩasya kyaũ ĩũlũ wa Yeova?

Ngai atumie vethĩwa na wĩkwatyo kwa ala akwʼũ kwa kũmũtũma Mwana wake akwʼe kwondũ witũ. Kwoou ũthayũũkyo ũtũmanyĩasya ĩũlũ wa wendo wa Yeova na mumo wake. Ĩla akwʼũ methayũũkwʼa, nũũ wĩenda kwona mũno vyũ?—Soma Yoana 3:16; Alomi 6:23.

Wenda kũmanya mũnango sisya kĩlungu kya 6, 7, na 10 kya ĩvuku Mbivilia Ĩtũmanyĩasya Kyaũ?