‘Nĩ Atanu Ala me Tei!’

1. Natanu ala me tei,

Ngai nũmendete mũno.

Matavasya andũ onthe

Yeova e tei mwingĩ.

We nĩwatwonisye tei

kwa kũmumya Mwana wake.

Nũmonasya andũ tei

nũndũ nĩwĩsĩ nĩ onzu.

2. Andũ ala me na tei

nĩmaekeawa naĩ.

Nĩmonawʼa tei mwingĩ

nũndũ wa nthembo ya Klĩsto:

Kwa kũtavanyʼa nthĩ yonthe

nĩmonasya angĩ tei.

Nĩmamanyĩthasya onthe

Ũsumbĩ nũsumbĩkĩte.

3. Wendo nũkonwʼa auu

ĩvinda ya ũsilĩlo,

mo nĩmakewʼĩwa tei

nũndũ wa kwonanyʼa tei.

Ekai twĩthwe na tei,

ĩsu nĩ ndaĩa nzeo.

Ngai na Klĩsto me tei,

twĩthwe na tei o tamo.