Tũmĩa Ũĩ

Kĩla Vaulo Weekie

VITIO: Vaulo Nĩwatavisye Andũ ma Athene Ũvoo Mũseo

1. Ĩloele VITIO, kana ũsome Meko ma Atũmwa 17:​22, 23. Ĩtina wa ũu, sũanĩa makũlyo aa maatĩĩe:

1. Vaulo eewie ata oona ũthaithi wa ũvũngũ ũla waendeee Athene?—Sisya Meko ma Atũmwa 17:16.

2. Vandũ va kumanyʼa andũ ma Athene, atũmĩie ũĩ ata nĩ kenda amatavye ũvoo mũseo atũmĩĩte maũndũ ala maĩkĩĩaa?

Ngelekanyʼo ya Vaulo Yĩtũmanyĩsya Kyaũ?

2. Nĩ laisi andũ makatwĩthukĩĩsya twasũanĩa nesa kĩla tũũmatavya, ũndũ tũũmatavya, na nĩ ĩvinda yĩva twaĩle kũmatavya.

Atĩĩa Ngelekanyʼo ya Vaulo

3. Nyuva ndeto syaku nesa. Kwa ngelekanyʼo, ũineena na mũndũ ũte Mũklĩsto no ũvĩndũe ũndũ ũkwĩta Mbivilia kana Yesũ.

4. Ndũkasembee kũlũnga kĩla mũndũ waweta. Mũeke aelesye mawoni make ũteũmũtilĩĩla. Aweta ũndũ ũtosanĩte na momanyĩsyo ma Mbivilia, ndũkatate kũmũkananĩsya. (Yak. 1:19) Wamwĩthukĩĩsya nesa, no ũmanye maũndũ ala ũĩkĩĩaa na nĩkĩ ũmaĩkĩĩaa.—Nth. 20:5.

5. Woona vaĩlĩte, ĩtĩkĩlana nake na ũimũkatha. No kwĩthĩwa we esĩ kana maũndũ ala ũĩkĩĩaa nĩmo ma wʼo. Amba kũneenea kaũndũ mũkwĩtĩkĩlana, na ĩndĩ o kavola kwa kavola ũimũtetheesya aelewe kĩla Mbivilia ĩmanyĩasya.