MOSŨNGĨO MA MAKŨLYO MA MBIVILIA

Ngai etawa ata?

Andũ maitũ ma mũsyĩ onthe nĩmethĩawa na masyĩtwa moo ene. O na nyamũ sya mũsyĩ nĩsyĩthĩawa na masyĩtwa! Kwoou o nake Ngai nĩwaĩlĩte kwĩthĩwa na ĩsyĩtwa yake mwene. Nthĩnĩ wa Mbivilia, Ngai e na masyĩtwa maingĩ ma ũnene, ta Ngai Mwene Vinya Wʼonthe, Mwĩaĩi Mũsumbĩ Mũnene, na Mũmbi, ĩndĩ e ĩsyĩtwa yake mwene.—Soma Isaia 42:8.

Mbivilia mbingĩ niwetete ĩsyĩtwa ya Ngai nthĩnĩ wa Savuli 83:18. Kwa ngelekanyʼo, The Bible in Kikamba, 1974, yaĩtye ũũ nthĩnĩ wa mũsoa ũsu: ‘No we wĩ weka, syĩtwa yaku nĩ Yeova, nue Wĩ Ĩũlũ wa Onthe ĩũlũ wa nthĩ yonthe.’

Nĩkĩ twaĩle kũtũmĩa ĩsyĩtwa ya Ngai?

Ngai endaa tũtũmĩe ĩsyĩtwa yake mwene. Nĩtũtũmĩaa masyĩtwa ma ala tũmendete, ta anyanyae maitũ, ĩla tũũneena namo. Kwoou nĩtwaĩle kũtũmĩa ĩsyĩtwa ya Ngai ĩla tũũneena nake. O nake Yesũ Klĩsto nĩwoonanisye kana nĩtwaĩlĩte kũtũmĩa ĩsyĩtwa ya Ngai.—Soma Mathayo 6:9; Yoana 17:26.

Ĩndĩ, nĩ kana twĩthĩwe anyanya ma Ngai, nĩtwaĩlĩte kũmanya maũndũ maingangĩ kwĩ kũmanya o ĩsyĩtwa yake. Kwa ngelekanyʼo, we Ngai ailyĩ ata? Wʼo nĩ ũndũ ũtonyeka kũmũthengeea Ngai? Nũtonya kũkwata mosũngĩo ma makũlyo asu Mbivilianĩ.