Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • w14 1/9 ĩth. 28-31
  • Lilikanaa Ala me Ũthũkũminĩ wa Ĩvinda Yonthe

Vai vitio ya kĩla wanyuva.

Vole, ve thĩna waumĩla.

  • Lilikanaa Ala me Ũthũkũminĩ wa Ĩvinda Yonthe
  • Mũsyaĩĩsya Yĩtavanasya Ũsumbĩ wa Yeova—2014
  • Syongo Nini
  • Ũvoo Ũngĩ ta Ũũ
  • AKLĨSTO MA ĨVINDA YA ATŨMWA
  • ATHŨKŨMI MA ĨVINDA YONTHE ŨMŨNTHĨ
  • ŨNDŨ TŨTONYA KŨTETHEESYA MAVAINIA
  • ŨNDŨ TŨTONYA KŨTETHEESYA ASYAĨĨSYA MA KŨTHYŨLŨLŨKA
  • TETHEESYA ALA MATHŨKŨMAA MBETHELI
  • KŨTETHEESYA AKLĨSTO ALA MATŨMĨTWE NTHĨ INGĨ
  • Ũvainia Nũlũlũmĩĩlasya Ũnyanya Witũ Na Ngai
    Mũsyaĩĩsya Yĩtavanasya Ũsumbĩ wa Yeova—2013
Mũsyaĩĩsya Yĩtavanasya Ũsumbĩ wa Yeova—2014
w14 1/9 ĩth. 28-31

Lilikanaa Ala me Ũthũkũminĩ wa Ĩvinda Yonthe

“Tũkĩlilikana tũteũeka wĩa wenyu wa mũĩkĩĩo, na kũthĩnĩa wĩa kwenyu kwa wendo.”​—1 ATH. 1:3.

ŨTONYA KŨSŨNGĨA ATA?

  • Aklĩsto ma ĩvinda ya atũmwa meekaa maũndũ meva ũthũkũminĩ wa Yeova, na ala angĩ mamatetheeasya ata?

  • Nĩ mũthemba wĩva wa ũthũkũmi wa ĩvinda yonthe ũla we wendeeaw’a nĩw’o?

  • Nĩ kwa nzĩa yĩva ũtonya kũtetheesya mũndũ ũla wĩ ũthũkũminĩ wa ĩvinda yonthe?

1. Vaulo eew’aa ata kwelekela ala mathũkũmaa Yeova na kĩthito?

MŨTŨMWA Vaulo nĩwalilikanaa ala meethĩawa na kĩthito kwondũ wa ũvoo mũseo. Aandĩkie ũũ: “Tũkĩlilikana tũteũeka wĩa wenyu wa mũĩkĩĩo, na kũthĩnĩa wĩa kwenyu kwa wendo, na wũmĩĩsyo wenyu wa wĩkwatyo nthĩnĩ wa Mwĩaĩi waitũ Yesũ Klĩsto, mbee wa Ngai Asa waitũ.” (1 Ath. 1:3) O nake Yeova nũlilikanaa ũthũkũmi wa ala aĩkĩĩku, methĩwe me na ũtonyi wa kwĩka maũndũ maingĩ wĩanĩ wake, kana me na ũtonyi wa kwĩka maũndũ manini.—Aevl. 6:10.

2. Twĩĩmanyĩsya kyaũ ĩsomonĩ yĩĩ?

2 Athũkũmi ma Ngai ma tene na ma ĩvinda yitũ nĩmeyĩimĩte maũndũ me kĩvathũkany’o nĩ kana malike ũthũkũminĩ wa ĩvinda yonthe. Ekai tũkunĩkĩle maũndũ amwe ala athũkũmi asu ma Ngai meekaa ĩvindanĩ ya atũmwa. O na ĩngĩ, nĩtũũkunĩkĩla mĩthemba mĩna ya ũthũkũmi wa ĩvinda yonthe, na tũyona ũndũ tũtonya kũlilikana ala meyumĩtye nĩ kana mathũkũme kwa nzĩa sya mwanya.

AKLĨSTO MA ĨVINDA YA ATŨMWA

3, 4. (a) Aklĩsto amwe mamũthũkũmaa Yeova ata ĩvinda ya atũmwa? (b) Mavata moo meanĩaw’a ata?

3 Ĩvinda yĩte yĩasa ĩtina wa Yesũ kũvatiswa, nĩwambĩĩisye wĩa ũla wesaa kũtethw’a ĩũlũ wa nthĩ yonthe. (Luka 3:21-23; 4:14, 15, 43) Ĩtina wa Yesũ kũkw’a, atũmwa make nĩmambĩĩie kũtongoesya wĩa ũsu wa kũtavany’a. (Meko 5:42; 6:7) Aklĩsto amwe, kwa ngelekany’o Vilivu, mathũkũmaa ta atavany’a ma ũvoo mũseo na amisonalĩ nthĩ ya Valesitina. (Meko 8:5, 40; 21:8) Nake Vaulo na angĩ maendie kũndũ kũasanga. (Meko 13:2-4; 14:26; 2 Ako. 1:19) Namo angĩ ta Silivano (Sila), Maliko, na Luka nĩmathũkũmaa ta aandĩki. (1 Vet. 5:12) O namo eĩtu-a-asa nĩmathũkũmaa na ana-a-asa asu aĩkĩĩku. (Meko 18:26; Alo. 16:1, 2) Maũndũ asu onthe matumaa twĩw’a mũyo mũno ĩla tũũsoma Maandĩko ma Kĩkiliki ma Kĩklĩsto na monanasya kana Yeova nũlilikanaa athũkũmi make ala aĩkĩĩku.

4 Athũkũmi ma ĩvinda yonthe ma tene meanĩasya mavata moo ata? Mavinda amwe nĩmatetheeaw’a nĩ Aklĩsto ala angĩ, ĩndĩ timo meetasya ũtethyo ũsu. (1 Ako. 9:11-15) Aklĩsto amwe vamwe na ikundi syĩ kĩvathũkany’o nĩmeeyumasya kũmatetheesya. (Soma Meko ma Atũmwa 16:14, 15; Avilivi 4:15-18.) O na ĩngĩ Vaulo na ala angĩ waendaa namo nĩmathũkũmaa kwa ĩvinda ĩkuvĩ nĩ kana meanĩsye mavata moo.

ATHŨKŨMI MA ĨVINDA YONTHE ŨMŨNTHĨ

5. Mũndũ ũmwe na mũka maisye ata kwelekela ũndũ mekalĩte me athũkũmi ma ĩvinda yonthe?

5 O ta ũu, ũmũnthĩ, aingĩ nĩmekĩaa kĩthito mũno kũmũthũkũma Yeova kwa nzĩa syĩ kĩvathũkany’o ũthũkũminĩ wa ĩvinda yonthe. (Sisya ĩsandũkũ “Mĩthemba ya Ũthũkũmi wa Ĩvinda Yonthe.”) Mo mew’aa ata ĩũlũ wa wĩa ũsu manyuvie? No ũmakũlye ĩkũlyo yĩu, na weeka ũu nũtonya kũkwata moathimo maingĩ mũno. Kwasũanĩa ngelekany’o ĩno: Mwana-a-asa ũmwe wĩthĩĩtwe e vainia wa kĩla ĩvinda, vainia wa mwanya, misonalĩ, na akathũkũma Mbetheli nthĩ ya ũeninĩ aĩtye ũũ: “Nonaa kwĩthĩwa nanyuvie ũthũkũmi wa ĩvinda yonthe new’o ũtwi ũla wa vata naaĩka. Ĩla naĩ na ũkũũ wa myaka 18, nooaanaa na mũtwe nĩthi yunivasiti, nĩmantha wĩa wa ĩvinda yonthe, kana nĩosa ũvainia. Nĩnĩmanyĩte kana Yeova ndesa kũlwa nĩ maũndũ ala mũndũ wĩyĩimaa nĩ kana ethĩwe mũthũkũmi wa ĩvinda yonthe. Nĩndatĩte kũtũmĩa inengo kana ũtonyi ũla Yeova ũnengete kwa nzĩa ndaĩ ndonya keka naatĩanĩie na mawĩa ma nthĩ ĩno.” Nake mũka aĩtye ũũ: “Kĩla mũthemba wa ũthũkũmi wa ĩvinda yonthe nũndetheesye mũno ngeana. Nĩtwonete mavinda maingĩ Yeova aitũsũvĩa na aitũtongoesya kwa nzĩa ũtaĩ esa kũtũtethya keka tũyaalika ũthũkũminĩ wa ĩvinda yonthe. Nĩnĩmũtũngĩaa Yeova mũvea kĩla mũthenya nũndũ wa ĩvinda yĩla twĩthĩĩtwe ũthũkũminĩ wa ĩvinda yonthe.” We no wende kwĩyonea maũndũ ta asu?

6. Yeova ew’aa ata kwelekela ũthũkũmi witũ?

6 Ti onthe matonya kũlika ũthũkũminĩ wa ĩvinda yonthe. Ĩndĩ nĩtwĩsĩ kana Yeova nĩwonaa ũthũkũmi woo wa kuma ngoonĩ wĩ wa vata mũno. Kwa ngelekany’o, sũanĩa amwe ala Vaulo wamawetie ĩandĩkonĩ ya Vilemona 1-3, na ala angĩ maĩ kĩkundinĩ kya Kolosai. (Soma.) Vaulo nĩwoonie ũthũkũmi woo wĩ wa vata o tondũ Yeova wawonaa. O ta ũu, Yeova nĩwonaa ũthũkũmi waku wĩ wa vata mũno. Ĩndĩ we ũtonya kũtetheesya athũkũmi ma ĩvinda yonthe ata?

ŨNDŨ TŨTONYA KŨTETHEESYA MAVAINIA

7, 8. Vainia atethasya wĩa mwaũ, na ala angĩ kĩkundinĩ matonya kũtetheesya mavainia ata?

7 Mavainia nĩmekĩaa kĩkundi vinya mũno, o tondũ atavany’a ma ũvoo mũseo ma ĩvinda ya atũmwa meekaa. Aingĩ moo nĩmatataa mũno kũtũmĩa masaa 70 kĩla mwei ũthũkũminĩ. We ũtonya kũmatetheesya ata?

8 Mwĩĩtu-a-asa ũmwe vainia wĩtawa Shari aisye atĩĩ: “Mavainia monekaa me na vinya mũno nũndũ kĩla mũthenya matindaa ũtavany’anĩ. O na vailyĩ ũu, nĩmaĩle kwĩkĩwa vinya.” (Alo. 1:11, 12) Mwĩĩtu-a-asa ũngĩ ũla waĩ vainia kwa myaka kauta nake aisye ũũ ĩũlũ wa mavainia kĩkundinĩ kyake: “Mathũkũmaa na kĩthito mũno na mainoaa.” Asyokete akasya kana ĩla ala angĩ mamathokya kwoo maye lĩu, kana mamanenga tikiti, kana o ũtethyo ũngĩ wa mbesa, nĩmatũngaa mũvea mũno, na ũndũ ũsu nĩwonanasya kana ala angĩ kĩkundinĩ nĩmamathĩnĩkĩaa.

9, 10. Amwe mekĩte ata nĩ kana matetheesye mavainia kĩkundinĩ kyoo?

9 We no wende kũtetheesya mavainia ũtavany’anĩ? Vainia ũmwe wĩtawa Bobbi aĩtye ũũ: “Nĩtwĩthĩawa na vata wa andũ ma kũtavany’a namo katĩkatĩ wa kyumwa.” Nake vainia ũngĩ kĩkundinĩ o kyu ongeleele kwasya atĩĩ: “Ti ũndũ wĩ laisi kũkwata mũndũ wa kũtavany’a nake masaa ma mũthenya.” Mwĩĩtu-a-asa ũmwe ũla yu ũthũkũmaa Mbetheli ya Brooklyn aeleetye ũũ ĩũlũ wa ĩvinda yĩla we waĩ vainia: “Mwĩĩtu-a-asa ũmwe waĩ na ngalĩ ambĩie, ‘Mũthenya ũla wesa kwĩthĩwa ũte na mũndũ wa kũtavany’a nake, mbĩtae tũkathi ĩmwe.’ Mwĩĩtu-a-asa ũsu andetheeisye mũno ũvainianĩ wakwa.” Nake Shari awetete ũndũ ũũ wa vata: “Ĩla mavainia ala matatwaanĩte kana mate atwae mauma ũtavany’a, methĩawa me oka. No ũthokye ana-a-asa matatwaanĩte kana eĩtu-a-asa mate atwae ũthaithinĩ wenyu wa mũsyĩ mavinda kwa mavinda. Kwĩka maũndũ angĩ vamwe namo no kũmekĩe vinya mũno.”

10 Mwĩĩtu-a-asa ũmwe wĩthĩĩtwe ũthũkũminĩ wa ĩvinda yonthe kwa ĩvinda ya myaka vakuvĩ 50 aĩtye ũũ aiweta ĩvinda yĩla weethĩawa e vainia vamwe na eĩtu-a-asa angĩ mataĩ atwae: “Ĩvinda yĩu atumĩa ma kĩkundi kitũ nĩmathokeaa mavainia ĩtina wa myei mĩvũthũ. Nĩmendaa kũmanya kana twĩ aima na kana ve thĩna twakwataa wĩanĩ, kana o thĩna wa mũthemba ũngĩ. Kwa w’o nĩmendaa kũmanya ũndũ tũendeee. O na nĩmatũthokeaa kũla twekalaa nĩ kana mamanye kana ve ũndũ matonya kũtũtetheesya.” Ũndũ ũsu no ũtũlilikany’e ũndũ Vaulo weew’aa nũndũ wa kũtetheew’a nĩ mũndũũme ũmwe wa Eveso waĩ na mũsyĩ wake.—2 Tim. 1:18.

11. Nĩ maũndũ meva mavainia ma mwanya meanĩasya?

11 Ve ikundi imwe syĩthĩawa na mavainia ma mwanya. Aingĩ moo nĩmekĩaa kĩthito kũtavany’a masaa 130 kĩla mwei. Nũndũ matũmĩaa ĩvinda yingĩ ũtavany’anĩ na maũndũnĩ angĩ kĩkundinĩ, maikwataa mwanya wa kũthũkũma wĩa ũngĩ, na mesa kũũkwata, wĩthĩawa wĩ o mũnini. Ovisi wa ũvonge nũmanengae kĩndũ kĩanĩe mavata moo ma kĩla mwei nĩ kana matavany’e mateũkwatanĩsya na maũndũ angĩ.

12. Atumĩa ma kĩkundi vamwe na angĩ kĩkundinĩ matonya kũtetheesya mavainia ma mwanya ata?

12 Tũtonya kũtetheesya mavainia ma mwanya ata? Mũtumĩa ũmwe wa kĩkundi ũla wĩthĩawa ovisinĩ wa ũvonge na ũla ũneenete na mavainia aingĩ ma mwanya aĩtye ũũ: “Atumĩa nĩmaĩle kũneenaa namo makamanya ũndũ maendeee na maimanya ũndũ matonya kũmatetheesya. Ngũsĩ imwe syĩsilasya kana mavainia ma mwanya methĩawa me asũvĩe vyũ nũndũ nĩmanengawe kĩndũ kĩla mwei, ĩndĩ ana-a-asa no mamatetheesye kwa nzĩa syĩ kĩvathũkany’o.” Mavainia ma mwanya nĩmatanĩaa kwĩthĩwa na andũ ma kũtavany’a namo, o tondũ mavainia ma kĩla ĩvinda matanĩaa. We no ũmatetheesye kwa nzĩa ĩsu?

ŨNDŨ TŨTONYA KŨTETHEESYA ASYAĨĨSYA MA KŨTHYŨLŨLŨKA

13, 14. (a) Waĩle kũlilikana maũndũ meva ĩũlũ wa asyaĩĩsya ma mũthyũlũlũko? (b) We wĩona ũtonya kwĩka ata nĩ kana ũtetheesye asyaĩĩsya ma kũthyũlũlũka?

13 Asyaĩĩsya ma mũthyũlũlũko na iveti syoo monekaa me andũ me na vinya mũno kĩ-veva na me alũmu. Ũu nĩw’o mailyĩ, ĩndĩ o namo nĩmendaa kwĩkĩwa vinya, kũkwatwa mbau ũtavany’anĩ, na kũthokw’a maũndũnĩ ma kwĩtanĩthya mate mathĩmbĩĩi maingĩ. Nao nata ĩla mawaa na makoma sivitalĩ me na ũwau ũkwenda mathĩnzwe, kana matemwe? Nĩmew’aa mũyo mũno ĩla ana-a-asa na eĩtu-a-asa mamatetheesya na mamony’a kana nĩmamendete. Luka, “mũiiti ũla mwendwa,” na ũla waandĩkie ĩvuku ya Meko ma Atũmwa, nĩwathĩnĩkĩie Vaulo na asyaĩĩsya angĩ ma kũthyũlũlũka.—Ako. 4:14; Meko 20:5–21:18.

14 Asyaĩĩsya ma kũthyũlũlũka na iveti syoo nĩmatanĩaa kwĩthĩwa na anyanya aseo na kwĩkĩwa vinya nĩmo. Mũsyaĩĩsya ũmwe wa mũthyũlũlũko aandĩkie atĩĩ: “Anyanyawa no ta methĩawa mesĩ ĩla ngwenda kwĩkĩwa vinya. Mangũlasya makũlyo mayenda kũmanya ũndũ nĩendeee na ũu nũndetheeasya kũmatavya maũndũ ala meũnthĩny’a. Kũmbĩthukĩĩsya nesa kwĩthĩawa ne ũtethyo mũnene mũno kwakwa.” Asyaĩĩsya ma mũthyũlũlũko vamwe na iveti syoo nĩmatanĩaa mũno kwona ũndũ ana-a-asa na eĩtu-a-asa mendeeaw’a nĩmo.

TETHEESYA ALA MATHŨKŨMAA MBETHELI

15, 16. Athũkũmi ma Mbetheli na ala angĩ mathũkũmaa Nyũmbanĩ sya Maũmbano Manene matethasya wĩa wĩva, na tũtonya kũmakwata mbau ata?

15 Ala mathũkũmaa Mbetheli na Nyũmbanĩ sya Maũmbano Manene ĩũlũ wa nthĩ yonthe, nĩmatetheeasya mũno wĩanĩ wa Ũsumbĩ nthĩ ila syĩthĩawa ungu wa ovisi wa ũvonge wa nthĩ yoo. Ethĩwa nĩmwĩthĩawa na athũkũmi ma Mbetheli kĩkundinĩ kyenyu kana nthĩnĩ wa mũthyũlũlũko wenyu, we ũtonya kũmatetheesya ata?

16 Ĩla mavika Mbetheli ya mbee, nĩmatonya kwĩw’a ta mate na anyanya nũndũ methĩawa matiĩte andũ moo ma mũsyĩ na anyanya moo. Matanaa mũno ĩla ala angĩ Mbetheli na kĩkundinĩ kĩla matũmĩtwe matuma ndũũ namo. (Mko. 10:29, 30) Mo nĩmakwataa mwanya wa kũthi maũmbanonĩ na kũtavany’a kĩla kyumwa. Ĩndĩ mavinda amwe athũkũmi ma Mbetheli nĩmesaa kwongelwa wĩa ũngĩ eka ũla methĩawa naw’o. Wĩthĩawa wĩ ũseo ĩla kĩkundi kyamanya ũu, na kĩyonany’a kana nĩkyonaa wĩa ũla mathũkũmaa wĩ wa vata.—Soma 1 Athesalonika 2:9.

KŨTETHEESYA AKLĨSTO ALA MATŨMĨTWE NTHĨ INGĨ

17, 18. Aklĩsto ala matũmĩtwe nthĩ ingĩ mathũkũmaa mawĩa meva?

17 Ala matũmawa nthĩ ingĩ maendaa kwĩthĩa kũla matũmwa kwĩ malĩu, ithyomo, syĩthĩo, na maũndũ angĩ me kĩvathũkany’o na ala mamanyĩie. Nĩkĩ metĩkĩlaa ũthũkũmi ũsu o na wĩ na mathĩna maingĩvĩte ũu?

18 Amwe moo nĩ amisonalĩ, ala matavanasya kũndũ kũla andũ aingĩ matonya kũtetheka nĩ ũmanyi ũla methĩawa naw’o nũndũ mo nĩ amanyĩsye nesa. Ovisi wa ũvonge nũmamanthĩaa vandũ va kwĩkala na ũimeanĩsya mavata ala angĩ moo ma lasima. Angĩ ala matũmĩtwe nthĩ sya ũeninĩ nĩmanengawe wĩa movisinĩ ma ũvonge kana wĩa wa kwaka myako ya movisi ma ũvonge, movisi ma ũalyũli, Nyũmba sya Maũmbano Manene, kana Nyũmba sya Ũsumbĩ. Nĩmamanthĩawa vandũ va kwĩkala, makanewa lĩu, na makatetheew’a maũndũnĩ angĩ. Nĩmaendaa maũmbanonĩ na makatavany’a o tondũ ala mathũkũmaa Mbetheli mekaa, na kwoou nĩmatetheeasya ala angĩ kĩkundinĩ mũno.

19. Twaĩle kũlilikana kyaũ ĩũlũ wa ala matũmĩtwe nthĩ ingĩ?

19 Ũtonya kũtetheesya athũkũmi asu ma ĩvinda yonthe ata? Lilikana kana mũno mũno ĩvinda ya mbee nĩmatonya kwĩthĩwa matamanyĩĩte kũya malĩu mana. Nũseo ũkalilikana ũndũ ũsu ĩla ũũmathokya kwaku, na no ũmakũlye kĩla matonya kwenda kũya kana nĩ lĩu wĩva matonya kwenda kũsama. O na nĩwaĩle kũmomĩĩsya ĩvinda yĩla maendeee kwĩmanyĩsya kĩthyomo kya kwenyu na kĩthĩo kya kwenyu. Nĩmatonya kũkua ĩvinda mayĩsa kũmanya kĩla kyonthe ũũweta, ĩndĩ no ũendeee kũmatetheesya mamanye kũtamũka ndeto imwe. Methĩawa mayenda kwĩmanyĩsya!

20. Nĩ kwa nzĩa yĩva ũtonya kũlilikana athũkũmi ma ĩvinda yonthe vamwe na asyai moo?

20 Athũkũmi ma ĩvinda yonthe nĩmakũaa, o na asyai moo nĩmakũaa. Ethĩwa asyai moo nĩ Ngũsĩ, wendi woo nũtonya kwĩthĩwa ne syana syoo iendeee na ũthũkũmi wasyo. (3 Yoa. 4) Athũkũmi ma ĩvinda yonthe nĩmatataa ũndũ matonya nĩ kana matetheesye asyai moo, na nĩmaendaa kũmona mavinda kwa mavinda. Ĩndĩ o namo ala me mũsyĩ no matetheesye athũkũmi asu ma ĩvinda yonthe kwa kwĩthĩwa meyũmbanĩtye kũtetheesya asyai moo, ethĩwa nĩ akũũ na me na vata wa kũtetheew’a. Lilikana kana athũkũmi ma ĩvinda yonthe methĩawa makwete vandũ vanene mũno wĩanĩ ũũ wa kũtavany’a, ũla nĩw’o wĩa ũla wa vata mũno ĩũlũ wa nthĩ ũmũnthĩ. (Mt. 28:19, 20) Ĩkũlyo nĩ, We kana kĩkundi kyaku no mũtetheesye asyai ma athũkũmi asu ma ĩvinda yonthe ĩla vaumĩla vata?

21. Athũkũmi ma ĩvinda yonthe mew’aa ata ĩla matetheew’a na meekĩwa vinya?

21 Ala malikaa ũthũkũminĩ wa ĩvinda yonthe mayĩthĩawa na kĩeleelo kya kũmantha mbesa, ĩndĩ kĩeleelo kyoo kĩthĩawa ne kũthũkũma Yeova na kũtetheesya angĩ. Nĩmatũngaa mũvea mũno ĩla wamatetheesya o na ethĩwa nĩ kwa nzĩa yĩva. Mwĩĩtu-a-asa ũmwe wĩkalaa nthĩ ya ũeninĩ aĩtye ũũ aielesya ũndũ aingĩ mew’aa: “O na kavalũa ka kũtũnga mũvea nĩkonanasya kana ala angĩ nĩmasũanĩaa ĩũlũ waku na nĩmatanaa nũndũ wa wĩa waku.”

22. Wĩ na woni mwaũ kwelekela ũthũkũmi wa ĩvinda yonthe?

22 Kũthũkũma Yeova wĩ mũthũkũmi wa ĩvinda yonthe nĩyo nzĩa ĩla ĩetae moathimo maingĩ vyũ. Ũthũkũmi ũsu wĩ mawũmũ maw’o, nũmanyĩasya mũndũ maũndũ maingĩ, na nũtumaa mũndũ ew’a e mwĩanĩe. O na ĩngĩ, nũtumaa mũndũ eyũmbanĩsya kwĩsa kũtanĩa kũmũthũkũma Yeova tene na tene ĩla Ũsumbĩ wake ũkethĩwa ũsumbĩkĩte nthĩ. Ekai ithyonthe tũendeee ‘kũlilikana tũteũka wĩa wa mũĩkĩĩo, na wa wendo’ wa athũkũmi ma ĩvinda yonthe.—1 Ath. 1:3.

Mĩthemba ya Ũthũkũmi wa Ĩvinda Yonthe

  • Mavainia ma kĩla ĩvinda matavanasya masaa 70 kĩla mwei. Amwe moo methĩawa ikundinĩ syoo sya mũsyĩ kana kũndũ kũngĩ kũla kwĩ na vata mwingangĩ wa atavany’a.

  • Mavainia ma mwanya matavanasya masaa 130 kĩla mwei, na mavinda maingĩ matũmawa isio ila syĩ na vata mũnene wa atavany’a.

  • Asyaĩĩsya ma mũthyũlũlũko mathokeaa ikundi mbingĩ nĩ kana matongosye wĩanĩ wa kũtavany’a na maitetheesya ikundi kwa nzĩa syĩ kĩvathũkany’o.

  • Athũkũmi ma Mbetheli methĩawa ovisinĩ sya ũvonge kana sya ũalyũli maitetheesya kumĩthya mavuku kana maitetheesya kũũngamĩa wĩa nthĩ ila syĩ ungu wa ovisi woo wa ũvonge.

  • Amisonalĩ methĩawa matũmĩtwe nthĩ sya ũeninĩ. Amisonalĩ aingĩ matavanasya masaa 130 kĩla mwei.

  • Athũkũmi ma nthĩ yonthe na athũkũmi angĩ ma kwĩyumya maendaa nthĩ syĩ kĩvathũkany’o kũtetheesya wĩa wa kwaka movisi ma ũvonge, Nyũmba sya Maũmbano Manene, movisi ma ũalyũli, na Nyũmba sya Ũsumbĩ.

  • Athũkũmi ala makaa Nyũmba sya Ũsumbĩ mamanyĩaw’a kwaka Nyũmba sya Ũsumbĩ na maitetheesya maũndũnĩ angĩ makonetye myako nthĩ syoo.

    Kikamba Publications (1950-2025)
    Uma
    Lika Nthĩnĩ
    • Kikamba
    • Tũma
    • Mũvangĩle ũla ũkwenda
    • Copyright © 2025 Watch Tower Bible and Tract Society of Pennsylvania
    • Mĩao ya Kũtũmĩa
    • Ũvoo Waku wa Kĩmbithĩ
    • Mpangilio wa Faragha
    • JW.ORG
    • Lika Nthĩnĩ
    Tũma