Ũndũ Ũtonya Kwasya

Kũtũmĩa Wathanthatũ wa Mbee wa Mwei wa 12 Kũmantha Andũ ma Kũmanyĩwʼa Mbivilia

“Ĩvindanĩ yĩĩ ya mwaka, andũ aingĩ mesũanĩĩa ĩũlũ wa Yesũ. Kwosana na woni waku, nĩ ũndũ mwaũ mũnene ũla Yesũ weanĩisye? [Eteela asũngĩe.] Kwoona ũndũ kyongo kya ũvoo ũũ kĩla kĩ ĩthangũnĩ ya 16 kĩkwasya.” Nenga mwene nyũmba ĩkaseti ya ĩtukũ 1 Mwei wa 12 ya Mnara wa Mlinzi, na ũisoma nake ũvoo kuma kyongo kĩmwe kĩnini na vatonyeka mũisoma ĩandĩko o na ethĩwa nĩ yĩmwe ya ala monanĩtwʼe. Mũkũlye kana nũkwenda kũtiĩwa makaseti, na ũivanga ũsyoke mũsisye ĩkũlyo yĩngĩ.

Mnara wa Mlinzi 01/12/12

“Ĩvindanĩ yĩĩ ya mwaka, andũ aingĩ mesũanĩĩa o ĩũlũ wa Kĩlisimasi. Katĩ wa maũndũ aa me vaa ĩtheo, nĩ ũndũ wĩva ũkwona waĩle kwĩthĩwa wa vata mũno ĩvindanĩ ta yĩĩ? [Mwonyʼe maũndũ ala me ĩthangũnĩ ya 3 na ũyeteela asũngĩe. Ĩndĩ vua kyongo kĩla kĩũneenea ũvoo ũla waweta na ũisoma ĩandĩko ya mũsingi.] Ĩkaseti yĩĩ nĩyonanĩtye maũndũ ma vata ĩũlũ wa Yesũ ala twaĩle kũlilikana ti o ĩvindanĩ yĩĩ ya Kĩlisimasi yoka, ĩndĩ nthĩnĩ wa mwaka wʼonthe.”

Amkeni! Mwei wa 12

“Tũmũthokeete nũndũ andũ aingĩ ũmũnthĩ meĩwʼa me avinyĩĩe na me na maũndũ maingĩ ma kwĩka. Nĩwonaa ũmũnthĩ andũ ta makusaa ngoo mĩtũkĩ mũno? [Eteela asũngĩe.] Andũ amwe nĩmaĩkĩĩaa kana twĩkalĩte ĩvindanĩ yũmũ yĩla yathanĩtwe ĩandĩkonĩ yĩĩ ya 2 Timotheo 3:1. [Soma] Ĩkaseti yĩĩ nĩyĩeleetye nĩkĩ kwĩthĩwa tũte na wũmĩĩsyo kũetae mũisyo na nĩyonanĩtye ũndũ tũtonya kwĩthĩwa na wũmĩĩsyo mũnango.”