Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 12

“Twĩthokeaa andũ tũineena namo ĩũlũ wa mĩsyĩ. Asyai aingĩ nĩmendaa syana syoo imwende Ngai. We nĩwonaa asyai ta maĩle kũmanyĩsya syana syoo imwende Ngai, kana no nginya syana imwende Ngai itamanyĩĩtwʼe nĩ asyai?” Eteela asũngĩe. Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/12/2014, na mũineenea ũvoo ũla wĩ ungu wa ĩkũlyo ya mbee na mũisoma ĩandĩko o na ethĩwa no yĩmwe. Mũnenge makaseti na mũivanga ũsyoke mũke kũneenea ĩkũlyo yĩla yĩatĩĩe.

Mũsyaĩĩsya 01/12/2014

“Ũmũnthĩ twĩĩũkĩte kũũ kwenyu tũineena na andũ kwa ũkuvĩ ĩũlũ wa Ngai. Nĩtwĩsĩ kĩla mũndũ nĩwĩthĩawa na woni wake ĩũlũ wa Ngai. We wĩsilya andũ aingĩ mamwonaa Ngai ta vinya ũtonekaa, kana mamwonaa ta mũnyanya ũtonya kũmasũvĩa na kũmathĩnĩkĩa? [Eteela asũngĩe.] Mũsoa ũũ wa Mbivilia nĩwonanĩtye ngwatanĩo ĩla Ngai wendaa twĩthwe nayo vamwe nake. [Soma Yakovo 4:8a.] Ĩkaseti yĩĩ nĩyĩeleetye maũndũ atatũ tũtonya kwĩka nĩ kana twĩthĩwe na ngwatanĩo nzeango vamwe na Ngai.”

Amkeni Mwei wa 12

“Twamũthokea vanini tũineenea ũwau ũthĩnasya andũ aingĩ. Ngwatanĩo ya Nthĩ Yonthe ya Ũiiti (WHO) yaĩtye kana mũndũ ũmwe katĩ wa andũ ana akesa kũkwatwa nĩ mathĩna ma kĩlĩko ta kũkwʼa ngoo nũndũ wa kũsũanĩa mũno. We nũkwona mathĩna ma kĩlĩko ta maendeee kũkwata andũ aingĩ? [Eteela asũngĩe.] Mbivilia nĩtũnengete wĩkwatyo wa kana kũũ ĩũlũ wa nthĩ kũikethĩwa na mowau kana woo ĩvinda yũkĩte. [Soma Ũvuanʼyo 21:3, 4.] Ĩkaseti yĩĩ nĩyonanĩtye maũndũ amwe ala kĩla mũndũ waĩle kũmanya ĩũlũ wa mathĩna ma kĩlĩko.”