Ũndũ Ũtonya Kwasya

Kũtũmĩa Wathanthatũ wa Mbee wa Mwei wa 2 Kũmantha Andũ ma Kũmanyĩwʼa Mbivilia

“Andũ aingĩ masũanĩaa kana Ndevili nĩwe ũetae mothũku ala me ĩũlũ wa nthĩ. Ĩndĩ nĩmekũlasya: ‘Ndevili aumie va? We oombiwe nĩ Ngai?’ We wĩona ata? [Eteela asũngĩe.] Kwasisya ũndũ vaa ve kwasya.” Mwonyʼe ũvoo ũla wĩ ĩthangũnĩ ya ĩtina ya ĩkaseti ya Mũsyaĩĩsya ya Mwei wa 2, Ĩtukũ 1, na mũisoma kalungu ka mbee na ĩandĩko yĩla yonanĩtwʼe. Mũkũlye kana nũkwenda kũtiĩwa makaseti, na ũivanga ũsyoke mũsisye ĩkũlyo yĩla yĩatĩĩe.

Mnara wa Mlinzi 01/2/13

“No twende kũmanya woni waku ĩũlũ wa mũndũ ũmwe ũnengetwe ndaĩa mũno nĩ Aklĩsto, Ayuti, na Aisilamu. Mũndũ ũsu nĩ Mose. Nĩ kyaũ kyũkaa mbee kĩlĩkonĩ weewʼa syĩtwa yake? [Eteela asũngĩe.] O na kau nĩweekie mavĩtyo, Mbivilia nĩmũeleasya kwa nzĩa ya kwendeesya. [Soma Kũtũngĩlĩlwa Kwa Mĩao 34:10-12.] Ĩkaseti yĩĩ yĩeleetye ndaĩa syake itatũ nzeo na ũndũ tũtonya kũatĩĩa ngelekanyʼo yake.”

Amkeni! Mwei wa 2

“Nĩ ũndũ wĩthĩawa ũmũnthĩ andũ kũthamĩĩa nthĩ ingĩ mayenda maũndũ maseango. Nũkwona ta makwataa kĩla methĩawa maimantha? [Eteela asũngĩe.] Kũthamĩĩa nthĩ ingĩ ti ũndũ mweũ. Kwasisya ngelekanyʼo ĩĩ yĩ ĩvukunĩ ya mbee ya Mbivilia. [Soma Mwambĩlĩlyo 46:5, 6.] Ĩkaseti yĩĩ nĩyĩeleetye makũlyo aa.” Mwonyʼe mwene nyũmba makũlyo ala me mũthyanĩ wa ĩthangũ ya 6.