Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 2

“Andũ ala tũũneena namo me na woni wĩ kĩvathũkanyʼo ĩũlũ wa Mbivilia. Amwe measya nĩ Ndeto ya Ngai, na angĩ measya nĩ ĩvuku o ta ala angĩ. We wĩ na woni mwaũ ĩũlũ wa Mbivilia?” Eteela asũngĩe. Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/02/2014. Neeneai ũvoo ũla wĩ ungu wa ĩkũlyo ya mbee, na mũisoma ĩandĩko o na ethĩwa no yĩmwe. Mũtiĩe makaseti, na mũivanga ũsyoke mũke kũneenea ĩkũlyo yĩla yĩatĩĩe.

MŨSYAĨĨSYA 01/02/2014

“Andũ aingĩ no mende kwona makaũ maithela. We wĩĩsilya nthĩ ĩno ta ĩkethĩwa na mũuo? [Eteela asũngĩe.] Kwoona ũndũ ĩandĩko yĩĩ yaĩtye. [Soma Savuli 46:9.] Maũndũ ala meekĩkie ĩvindanĩ ya Kaũ wa Mbee wa Nthĩ Yonthe, na ala meekĩkie ĩtina wa kaũ ũsu, matũĩkĩĩthasya kana o mĩtũkĩ Ngai akeanĩsya wathani wake wa kũka kũmina makaũ tene na tene. Ĩkaseti yĩĩ nĩyĩeleetye ũndũ ũsu.”

Amkeni! Mwei wa 2

“Twamũthokea tũineenea ũndũ ũtũthĩnasya ithyonthe. Aingĩ maitũ twonaa vate ĩvinda yĩanĩtye ya kwĩanĩsya maũndũ onthe. We wĩĩsilya ko tũleaa kwĩanĩsya maũndũ onthe nũndũ wa kwĩthĩwa na maũndũ maingĩ ma kwĩka, kana nũndũ wa kwĩthĩwa nĩtwanangaa ĩvinda yingĩ? [Eteela asũngĩe.] Andũ aingĩ mayĩsĩ kana Mbivilia nĩtonya kũtũtetheesya kũtũmĩa ĩvinda nesa. Kwaeka twone ĩandĩko yĩmwe yĩtonya kũtũtetheesya. [Soma Avilivi 1:10a.] Ĩkaseti yĩĩ nĩyonanĩtye nzĩa inya ila itetheesye andũ aingĩ kũtũmĩa ĩvinda nesa.”