Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 5

“Andũ onthe nĩmavĩtasya. We waaĩkũlya kana Ngai nũekeaa mavĩtyo manene?” [Eteela asũngĩe.] Mwonyʼe ũvoo ũla wĩ ĩkasetinĩ ya Mũsyaĩĩsya ya 01/05/2013, ĩthangũnĩ ya 15, na mũisoma ũvoo ũla wĩ ĩkũlyonĩ ya mbee na ĩandĩko o na ethĩwa no yĩmwe. Mũnenge makaseti, na mũivanga ũsyoke mũneenee ĩkũlyo yĩla yĩatĩĩe.

Mũsyaĩĩsya 01/05/2013

“Twĩenda kwĩwʼa woni waku ĩũlũ wa ĩandĩko yĩĩ. [Soma 1 Yoana 4:8.] Andũ aingĩ nĩmetĩkĩlanaa na ndeto isu, ĩndĩ angĩ maasyaa Ngai nde tei o na vanini nũndũ nũetae, kana akaeka, mĩisyo yĩkĩke. We wonaa ata? [Eteela asũngĩe.] Ĩkaseti yĩĩ nĩyonanĩtye nĩkĩ tũtaĩlĩte kwona Ngai ta ũte tei.”

Amkeni! Mwei wa 5

“Ũmũnthĩ twĩneenaa na andũ ĩũlũ wa thĩna ũtũkwataa. Thĩna ũsu nĩ ũngʼendilĩ. Amwe masũanĩaa asikalĩ maĩlĩte kwongelwa nĩ kana ũngʼendilĩ ũoleke. We wonaa ata? [Eteela asũngĩe.] Waamanya Mbivilia nĩyathanĩte kana ve ĩvinda ũngʼendu ũkathela? [Soma Savuli 37:10, 11.] Ĩkaseti yĩĩ nĩyĩkũĩkĩĩthya ũndũ ũsu, na nĩyonanĩtye matambya ala tũtonya kwosa nĩ kana twĩsiĩanĩe na ũngʼendilĩ.”