Ũndũ Ũtonya Kwasya

Kũtũmĩa Wathanthatũ wa Mbee wa Ngyuni Kũmantha Andũ ma Kũmanyĩwʼa Mbivilia

Soma Isaia 42:8. Na ĩndĩ ũyasya: “Kwosana na ĩandĩko yĩĩ, Ngai e syĩtwa. Wĩĩsilya ve vata wa kũtũmĩa syĩtwa ya Ngai? [Eteela asũngĩe.] Kwa sisya ũndũ ĩkaseti yĩĩ yaĩtye.” Nenga mwene nyũmba ĩkaseti ya Ngyuni 1 ya Mnara wa Mlinzi, na ũisoma vamwe nake ũvoo ũla wĩ ungu wa kyongo kĩnini kya mbee ĩthangũnĩ ya 16. Mũkũlye kana nũkwenda kũtiĩwa makaseti na ũivanga ũsyoke mũsisye vamwe ĩkũlyo yĩla yĩatĩĩe.

Mnara wa Mlinzi Ngyuni 1

“Nĩngwenda kũũkũlya woni waku ĩũlũ wa ũndũ wa vata. [Vingũa ĩthangũ ya 3, na ũimwonya maũndũ ala mavangĩtwe vu.] Nĩ ũndũ wĩva katĩ wa aa ũkwona wosanĩte na woni waku ĩũlũ wa Mbivilia? [Eteela asũngĩe.] Kwoona ũndũ Mbivilia yaĩtye. [Soma Alomi 15:4.] Ĩkaseti yĩĩ yĩeleetye itumi itano sya kwonanyʼa nĩkĩ Mbivilia nĩ ĩvuku ya mwanya, na ũndũ ĩtonya kũtũtethya.”

Amkeni! Ngyuni

“Kĩla mwaka andũ Milioni mbingĩ nĩmawaaa nũndũ wa kũya lĩu wĩ kĩko. Kwosana na woni waku, lĩu ndũanĩ ĩno yitũ nĩ mũtheu? [Eteela asũngĩe.] Ĩkaseti yĩĩ yĩeleetye nzĩa inya tũtonya kũtũmĩa kũsũvĩa andũ maitũ kumana ma mowau ala maumanaa na lĩu. Ĩngĩ nĩyĩeleetye ĩũlũ wa wathani wa Mbivilia kana o mĩtũkĩ kĩla mũndũ akatanĩa lĩu mwingĩ na wa kwaka mwĩĩ.” Soma Savuli 104:14, 15.