Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 10

“Twĩthokeaa atũi maitũ kwa ndatĩka mbũthũ tũineena namo ĩũlũ wa silikalĩ nzeo. We nĩwonaa ta ve silikalĩ ĩtonya kũmina mathĩna amwe ta ũngʼendu na ũsili ũte wa katĩ?” Eteela asũngĩe. Elesya mwene nyũmba kana nthĩnĩ wa ĩla Mboya ya Mwĩaĩi, Yesũ amanyĩisye amanyĩwʼa make mavoyae ĩũlũ wa silikalĩ ĩla ĩkamina mathĩna ta asu. Silikalĩ ĩsu nĩ Ũsumbĩ wa Ngai. Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/10/2014, na mũineenea ũvoo ũla wĩ ungu wa ĩkũlyo ya mbee na mũisoma ĩandĩko, o na ethĩwa no yĩmwe. Mũnenge makaseti na mũivanga ũsyoke mũke kũneenea ĩkũlyo yĩla yĩatĩĩe.

Mũsyaĩĩsya 01/10/2014

“Twĩneenaa na atũi maitũ kwa ndatĩka mbũthũ ĩũlũ wa mboya ĩno Yesũ wamanyĩisye amanyĩwʼa make. [Soma Mathayo 6:9, 10.] Waaelewʼa nesa Ũsumbĩ wa Ngai nĩ kyaũ na nĩkĩ Yesũ waũneeneie mũno nthĩnĩ wa momanyĩsyo make? [Eteela asũngĩe.] Ĩkaseti yĩĩ nĩyonanĩtye ũndũ Mbivilia yaĩtye ĩũlũ wa Ũsumbĩ wa Ngai na yĩkonanyʼa moathimo amwe ala Ũsumbĩ ũsu ũkaete kũũ nthĩ.”

Amkeni! Mwei wa 10

“Twĩthokeaa andũ kwa ndatĩka mbũthũ tũimatetheesya makwate ũsũngĩo wa ĩkũlyo yĩĩ. [Mwonyʼe ĩthangũ ya mbee ya ĩkaseti yĩu.] We wĩona ata, no nginya mũndũ ethĩwe e mũthwii nĩ kana ethĩwe na ũtanu wa wʼo? [Eteela asũngĩe.] Mbivilia nĩyonanĩtye kana twaĩlĩte kwĩthĩwa na woni waĩle kwelekela syĩndũ sya kĩ-mwĩĩ. [Soma Luka 12:15.] Mbivilia yonanĩtye kana kĩla mũndũ no ethĩwe na ũtanu wa wʼo. Ĩkaseti yĩĩ nĩyĩeleetye ũu ũtonyeka ata.”