Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 5

“Twamũthokea ũmũnthĩ o kwa ndatĩka mbũthũ tũineenea ĩkũlyo yĩĩ. [Mwonyʼe ĩkũlyo ya mbee ĩthangũnĩ ya ĩtina ya ĩkaseti ya Mũsyaĩĩsya ya 01/05/2014.] We ũtonya kũsũngĩa ĩkũlyo yĩĩ ata?” Eteela asũngĩe. Neeneai ũvoo ũla wĩ ungu wa ĩkũlyo yĩu na mũisoma ĩandĩko o na ethĩwa no yĩmwe. Mũtiĩe makaseti na mũivanga wĩsyoka mũke kũsũngĩa ĩkũlyo yĩla yĩatĩĩe.

MŨSYAĨĨSYA 01/05/2014

“Twamũthokea kwa ũkuvĩ tũineenea ĩvinda yĩla yũkĩte nũndũ andũ aingĩ nĩmendaa kũmanya yĩkeethĩwa yĩilyĩ ata. We wĩsilasya ĩvinda yĩu yĩkeethĩwa yĩilyĩ ata? Wĩona yĩkethĩwa yĩ ĩseo kana yĩkethĩwa yĩ ĩthũku? [Eteela asũngĩe, na ĩndĩ ũimũsomea ĩandĩko yĩmwe nthĩnĩ wa ĩsandũkũ “Maũndũ Ala Ngai Ũwetete Makekĩka Ĩvinda Yũkĩte.”] Ĩkaseti yĩĩ nĩyĩeleetye maũndũ amwe Ngai waĩtye makekĩka na nĩyĩeleetye nĩkĩ tũtonya kwĩthĩwa na mũĩkĩĩo kana makeekĩka.”

Amkeni! Mwei wa 5

“Ũmũnthĩ twĩneenaa na andũ tũimatetheesya mone ũndũ matonya kwĩka nĩ kana maeke kwĩmakĩa mũno. We nũkwona ũmũnthĩ andũ ta meemakĩaa mũno kũthonoka ĩvinda ĩvĩtu? [Eteela asũngĩe.] Andũ aingĩ nĩmatethetwʼe nĩ ũtao ũla wĩ Mbivilianĩ makaeka kwĩmakĩa mũno. Kwoona ũtao ũũ. [Soma Mathayo 6:34.] Ĩkaseti yĩĩ nĩyĩeleetye ũndũ ũtao wa Mbivilia ũtonya kũtũtetheesya kũthĩnĩkĩa maũndũ ana ala mũno mũno matumaa andũ meemakia.”

Kĩmanyĩthya: Ĩkaseti yĩĩ no yĩtetheesye mũno mũno andũ ma viasala.