Ũndũ Tũtonya Kwĩthĩwa Atavanyʼa Aseo—Kwĩthĩwa na Andũ ma Kũtwaĩaa Makaseti Kĩla Mwei

Nĩkĩ Nĩ Ũndũ wa Vata?: Andũ aingĩ ala mendete kũsoma makaseti maitũ mayendeeawʼa nĩ kwĩmanyĩsya Mbivilia naitũ. No kwĩthĩwa mewʼaa me eanĩe me ndĩninĩ syoo, kana monaa mate na ĩvinda ya kwĩmanyĩsya. Ĩndĩ o na vailyĩ ũu, nĩvatonyeka makendeewʼa nĩ Ndeto ya Ngai mũno o ũndũ maendeee na kũsoma makaseti maitũ. (1 Vet. 2:2) Ũvoo mũna nthĩnĩ wa ĩkaseti no ũmakiite ngoo, kana maũndũ moo makaalyũka. Kũmathokea mavinda kwa mavinda no kũtume methĩwa me eanĩe ĩla twĩ namo, na ũu ũitũtetheesya kũelewa maũndũ ala mendete na kĩla kĩũmathĩnyʼa na ĩtina tũyambĩĩa kwĩmanyĩsya Mbivilia namo.