Ũndũ Tũtonya Kwĩthĩwa Atavanyʼa Aseo—Kũtavya Mũndũ Ũneenaa Kĩthyomo Kĩngĩ

Nĩkĩ Nĩ Ũndũ wa Vata: Yeova nĩwendaa andũ ma ‘mbaĩ syonthe’ maendeee nesa kĩ-veva. (Meko 10:34, 35) Kĩu nĩkyo kĩtumi Yesũ waisye kana ũvoo mũseo ũkatavanwʼa “nthĩ yonthe” na nthĩnĩ wa “mbaĩ syonthe.” (Mt. 24:14) Nzekalia athanie kana andũ “kuma ithyomonĩ syonthe sya i mbaĩ” makeetĩkĩla ũvoo mũseo. (Nzek. 8:23) Kwĩanana na woni wa mũtũmwa Yoana, ala makavonoka kuma ũla thĩnanĩ mũnene makeethĩwa me ‘andũ ma kĩla mũthemba na mbaĩ na ngo na ithyomo.’ (Ũvu. 7:9, 13, 14) Kwĩanana na maũndũ asu, ĩla twakomana na mũndũ ũneenaa kĩthyomo kĩngĩ tũitavanyʼa, nĩtwaĩle kũtata tũmũtavye ũvoo mũseo.