Tũvangĩtwe Nĩ Kana Tũtavye Andũ Onthe

O tondũ Yeova wavangĩte Aisilaeli, ũmũnthĩ nũvangĩte andũ make nĩ kana meanĩsye kwenda kwake. Nthĩ yonthe kwĩ movisi ma ũvonge, mĩthyũlũlũko yĩ kĩvathũkanyʼo, ikundi, na ikundi sya ũtavanyʼa, na syonthe ithũkũmaa syĩ ngwatanĩo kwondũ wa kũtavanyʼa ũvoo mũseo. Tũtavasya andũ onthe o na ala maneenaa kĩthyomo kĩngĩ.—Ũvu 14:6, 7.

We nũsũanĩĩte kwĩmanyĩsya kĩthyomo kĩngĩ nĩ kana ũmanyĩsye angĩ ũwʼo? O na ethĩwa ndwĩ na ĩvinda ya kwĩmanyĩsya kĩthyomo kĩngĩ, no ũtũmĩe vulongulamu yĩtawa JW Lugha wĩmanyĩsye o maũndũ manini ũtonya kũtũmĩa kwambĩĩsya ũneenanyʼa na mũndũ. Watũmĩa maũndũ asu weemanyĩsya ũtavanyʼanĩ, nũtonya kũkwata ũtanu ta ũla Aklĩsto ma ĩvinda ya atũmwa makwatie yĩla andũ kuma nthĩ ingĩ masengʼie meewʼa “maũndũ manene ma Ngai” na kĩthyomo kyoo ene.—Mek 2:7-11.

ĨLOELEI VITIO YĨ NA KYONGO, ĨTHĨWA WĨ MŨNYANYA WA YEOVA—KŨTAVANYʼA NA KĨTHYOMO KĨENI, NA ĨNDĨ MŨISŨNGĨA MAKŨLYO AA:

• Ũtonya kũtũmĩa vulongulamu ya JW Lugha ĩndĩĩ?

• Nĩ syĩndũ syĩva syĩ nthĩnĩ vulongulamu ĩsu?

• Andũ kĩsionĩ kyenyu maneenaa ithyomo syĩva?

• Waĩle kwĩka ata yĩla mũndũ ũneenaa kĩthyomo kĩngĩ wendeewʼa nĩ ũvoo wa Ũsumbĩ?—od-SW 100-101 ¶39-41