Watchtower LIBRARY INDANETINĨ

LIBRARY INDANETINĨ

mwb16 Mwei wa 4 ĩth. 3
Tũmĩa Ndeto Nzeo Kwĩkĩa Ala Angĩ Vinya

Mwĩkalĩle wa Aklĩsto na Wĩa wa Kũtavanyʼa—Kavuku ka Kwĩmanyĩsya ka Ũmbano (mwb)

mwb16 Mwei wa 4 ĩth. 3

MAŨNDŨ MA VATA KUMA NDETONĨ YA NGAI | YOVU 16-20

Tũmĩa Ndeto Nzeo Kwĩkĩa Ala Angĩ Vinya

Ndeto sya ũla ũkũtaa ala angĩ syaĩle kũmekĩa vinya

16:4, 5

Yovu nĩwakwʼĩte ngoo mũno na kwoou nĩwendaa kũkiakiwʼa na kwĩkĩwa vinya
Anyanya atatũ ma Yovu mayaaweta ũndũ o na ũmwe ũtonya kũmũkiakisya. Vandũ va ũu, mamũneeneie naĩ na ũndũ ũsu wamwongeleela thĩna

Ndeto nthũku sya Mbilitati nĩsyaũmĩisye Yovu mũno

19:2, 25

Yovu eekaĩlile Ngai amũthũmũsye o na ethĩwa eĩka o kũkwʼa
Yovu nĩwasũanĩaa mũno wĩkwatyo wa ũthayũũkyo na aendeea kũmĩĩsya e mũĩkĩĩku

Elivasi aineena na Yovu nake Mbilitati na Nzovali mamasyaĩĩsye

ANDŨ ALA MAMWILĨĨLAA YOVU MAŨNDŨ MATE MA WʼO

Elivasi:

Nĩvatonyeka akethĩwa aumĩte ndũanĩ ya Temani nthĩ ya Etomu. Ĩandĩko ya Yelemia 49:7 yĩonanyʼa kana Temani nĩvo vaĩ ũĩ wa Etomu
Nĩvatonyeka ũkethĩa Elivasi nĩwe waĩ mũkũũ na katĩ wa “akiakisya” asu nĩwe weethukĩĩawʼa mũno nĩ ala angĩ. Nĩwaumisye maũvoo atatũ na nĩwe waneenie mũno kwĩ ala angĩ elĩ

Maũndũ ma ũvũngũ ala waneenie:

Nĩwaneeneie Yovu naĩ nũndũ wa kwĩthĩwa e mũĩkĩĩku na asya kana Ngai ndaĩkĩĩaa athũkũmi make (Yovu 4, 5)
Aisye Yovu nĩ mũndũ mũthũku, wĩkathĩaa na ũtamũkĩĩte Ngai (Yovu 15)
Eeie Yovu kana e ĩtomo na ndasilaa katĩ na asya kana Ngai ndonaa mũndũ e wa vata (Yovu 22)

Mbilitati:

Aĩ nzyawa ya Suua. Nĩvatonyeka akethĩwa ekalaa vakuvĩ na ũsĩ wa Euvalati
Nĩwe waĩ mũneeni wa kelĩ. Maũvoo make atatũ maĩ makuvĩ, ĩndĩ nĩmo maũmĩisye Yovu kũte ala ma Elivasi

Maũndũ ma ũvũngũ ala waneenie:

Aisye kana syana sya Yovu nĩsyeekĩte naĩ na nĩsyaaĩle kũkwatwa nĩ maũndũ ala maikwatie. O na ongeleeile kwasya kana Yovu ndamũĩkĩĩaa Ngai (Yovu 8)
Ndeto syake syoonanisye kana Yovu aĩ mwĩki wa naĩ (Yovu 18)
O na ĩngĩ, oonanisye kana mũndũ kwĩthĩwa e mũĩkĩĩku kwa Ngai no ũndũ wa mana (Yovu 25)

Nzovali:

Aĩ Mũnaamathi na nĩvatonyeka akethĩwa aumĩte ngalĩ ya ĩũlũ ya Alavu
Nĩwe waĩ wa katatũ kũneena na nĩwe waneenie ndeto nthũku vyũ. Aumisye maũvoo elĩ

Maũndũ ma ũvũngũ ala waneenie:

Aisye kana Yovu aĩ na ngathĩĩo na amwĩa aekane na meko make mathũku (Yovu 11)
Ndeto syake syoonanasya kana Yovu aĩ mũthũku na atanĩaa kwĩka naĩ (Yovu 20)