Ũndũ Ũtonya Kũtũmĩa JW Library

ĨLA ŨKWĨMANYĨSYA:

• No ũsome Mbivilia na ĩandĩko ya kĩla mũthenya

• No ũsome Kitabu cha Mwaka, makaseti, na mavuku angĩ. Tũmĩa ũvano wa kũũtetheesya kũmanya vala ũkambĩĩa kũsoma (bookmark)

• O na no wĩyũmbanĩsye maũmbano na ũkakululĩĩla vala ve mosũngĩo

• Na no wĩloele vitio

ĨLA WĨ MAŨMBANONĨ:

• No ũsome maandĩko ala mawetwa nĩ mumya wa ũvoo. Ethĩwa wĩenda kũsyoka ĩandĩkonĩ yĩĩ yĩnasomwa, tina vala ve ũvano ũla wonanĩtye mavuku ala wĩĩvingũĩte (history feature)

• Vandũ va kũkuaa mavuku maingĩ ĩla ũendete ũmbanonĩ, tũmĩa tambuleti yaku kana simũ nĩ kana ũvingũae ilungu ila iũneenewa ũmbanonĩ, o vamwe na mbathi ila ikwinwa. O na ĩngĩ, nthĩnĩ wa JW Library no ũkwate mbathi nzaũ ila itanamba kwĩkĩwa ĩvukunĩ ya mbathi

ĨLA WĨ ŨTAVANYʼA:

• No wonyʼe mũndũ ũkwendeewʼa kĩndũ kuma JW Library na ũimũtetheesya kũmĩkĩa simũnĩ yake na ũimwonyʼa ũndũ ũtonya kumya mavuku nthĩnĩ wa JW Library

• No ũtũmĩe ũvano ũla wa kũmantha ndeto (search feature) nĩ kenda ũkwate ĩandĩko yĩla ũkwenda. Ethĩwa ndeto ĩla ũkwenda ndĩ vo nthĩnĩ wa Mbivilia ya New World Translation, syoka ĩtina na ũinyuva Reference Bible, na ũimantha ndeto ĩsu ĩngĩ

• O na no wonanyʼe vitio. Ethĩwa mwene nyũmba e na syana, no ũsyonyʼe vitio ĩmwe katĩ wa ila syĩthĩawa na kyongo Ĩthĩwa wĩ Mũnyanya wa Yeova. Kana o ũkonanyʼa vitio Nĩkĩ Waĩle Kwĩmanyĩsya Mbivilia? nĩ kana ũtetheesye mwene nyũmba endeewʼe nĩ kwĩmanyĩsya Mbivilia. Na ethĩwa mũndũ aneenaa kĩthyomo kĩngĩ, mwonyʼe vitio kwa kĩthyomo kyake

• Na no wonyʼe mũndũ ĩandĩko kuma Mbivilianĩ ya kĩthyomo kĩngĩ ĩla wĩkĩĩte nthĩnĩ wa JW Library yaku. Nĩ kana wĩke ũu, vingũa ĩandĩko na ũitina vala ve mũsoa, wavatina veumĩla tũũvano tũtatũ, tina kaũvano kala kailyĩ Mbivilia nĩ kana ĩandĩko yĩu yumĩle Mbivilianĩ ingĩ ila wĩkĩĩte nthĩnĩ wa JW Library