Kwĩkala Tũte na Syĩndũ Mbingĩ Nĩkũtũtetheeasya Tũmũtaĩe Ngai

Nĩ laisi mũno ũmũnthĩ tũkelikya maũndũnĩ maingĩ. Nĩvendekaa ĩvinda na vinya nĩ kana ũthooe, na ũiĩva syĩndũ. O na nĩvendekaa ĩvinda na vinya nĩ kana ũtũmĩe na ũisũvĩa syĩndũ ila wĩ nasyo. Yesũ ndaĩ na syĩndũ mbingĩ sya kĩ-mwĩĩ nũndũ ndendaa iimũsiĩĩa kwĩanĩsya nesa wĩa wake wa kũtavanyʼa. —Mt 8:20.

Ũtonya kwĩka ata ũolange syĩndũ ila wĩ nasyo nĩ kana wongelange ĩvinda yĩla ũtũmĩaa nthĩnĩ wa ũtavanyʼa? No mwĩke moalyũku mana nĩ kana ũmwe nthĩnĩ wa mũsyĩ wenyu ethĩwe e vainia? O na ethĩwa yu wĩ ũthũkũminĩ wa ĩvinda yonthe, we nĩwĩtĩkĩlĩtye syĩndũ sya kĩ-mwĩĩ iũvĩngĩĩse? Kwĩthĩwa ũte na syĩndũ mbingĩ ũimũthũkũma Yeova nĩ ũndũ ũtanĩthasya na ũtumaa wĩthĩwa wĩ mwĩanĩe.—1Tim 6:7-9.

Ndonya Kwĩka Ata nĩ Kana Nĩthĩwe Nde na Syĩndũ Mbingĩ Sya Kĩ-mwĩĩ?