Ĩvathane na Maũndũ Aa Ĩla Ũkwĩmanyĩsya Mbivilia na Mũndũ

Ndũkaneene Maũndũ Maingĩ: Ndũkasũanĩe kana nue waĩle kũelesya kĩla kĩndũ. Yesũ nĩwatũmĩaa makũlyo nĩ kana atetheesye andũ masũanĩe, na mayĩka ũtwi ũla waĩle. (Mt 17:24-27) Watũmĩa makũlyo ũimanyĩsya, nĩmũtanĩaa kwĩmanyĩsya na ũu nũkũtetheeasya ũmanye kana mũmanyĩwʼa nĩwaelewa, na ũimanya kana nũkũĩkĩĩa kĩla weemanyĩsya. (be-SW 253 ¶3-4) Wakũlya ĩkũlyo, eteela nginya mũmanyĩwʼa asũngĩe. Ĩla mũmanyĩwʼa wasũngĩa ũsũngĩo ũtaĩle, vandũ va kũmũtavya ũsũngĩo ũla waĩle, no ũmũkũlye makũlyo matonya kũmũtetheesya akwate ũsũngĩo. (be 238 ¶1-2) Manyĩsya kwa nzĩa ĩteũkalaata mũmanyĩwʼa nĩ kana wĩthĩe no akwatye maũndũ meũ ala weemanyĩsya.—be 230 ¶4.

Ndũkaelesye Maũndũ Mate ma Lasima: Ndũkaelesye maũndũ onthe ala wĩsĩ ĩũlũ wa kĩla mũkwĩmanyĩsya. (Yoa 16:12) Elesya maũndũ ala ma vata nthĩnĩ wa kalungu. (be-SW 226 ¶4-5) Mũmanyĩwʼa no aeme kũelewa nĩ maũndũ ala ma vata ĩla wamũelesya maũndũ maingĩ, o na ethĩwa nĩmakwendeesya. (be-SW 235 ¶3) Ethĩwa mũmanyĩwʼa nĩwaelewa nĩ ũndũ ũla wa vata, endai kalungu kala kaatĩĩe.

Kĩeleelo Kyaku Kĩikethĩwe no Kũmina Ĩvuku: Kĩeleelo kitũ nĩ kũkiita ngoo ya mũmanyĩwʼa, ĩndĩ ti kũmina ĩvuku. (Lk 24:32) Tũmĩa ũtonyi wa Ndeto ya Ngai nesa kwa kũsoma maandĩko ala ma vata nthĩnĩ wa ĩsomo yĩla mũkwĩmanyĩsya. (2Ako 10:4; Aevl 4:12; be-SW 144 ¶1-3) Tũmĩa ngelekanyʼo syĩ laisi. (be-SW 245 ¶2-4) Sũanĩa ĩũlũ wa maũndũ ala mũmanyĩwʼa waku ũĩkĩĩaa na mawetu ala mamũkwataa, na ĩndĩ ũitũmĩa ĩsomo yĩu kwa nzĩa ĩtonya kũmũtetheesya maũndũnĩ asu. Mũkũlye makũlyo ta: “Wĩ na woni mwaũ ĩũlũ wa kĩla tweemanyĩsya?” “Maũndũ asu metũmanyĩsya kyaũ ĩũlũ wa Yeova?” “Ũtonya kũtetheka ata waatĩĩa maũndũ ala tweemanyĩsya?”—be-SW 238 ¶3-5; 259 ¶1.