MWĨKALĨLE WA AKLĨSTO

We Nũtũmĩaa Nesa Kaati sya Kwelekelya Andũ Kĩsesenĩ kya JW.ORG?

Ũmwe wa Ngũsĩ sya Yeova ainengane kaati ya kwelekelya andũ Kĩsesenĩ kya jw.org

Nũndũ thĩna mũnene nũthengeee, twaĩle kũtethya wĩa witũ wa kũtavanyʼa na mĩtũkĩ. (Nth 24:11, 12, 20) Nĩ kana tũtetheesye andũ, no tũtũmĩe kaati sya kwelekelya andũ Kĩsesenĩ nĩ kana memanyĩsye Ndeto ya Ngai na kũlika Kĩsesenĩ kitũ. Kaati ĩsu yĩ na ũvano ũtonya kũtetheesya mũndũ akakwata vitio Nĩkĩ Waĩle Kwĩmanyĩsya Mbivilia? na nĩyonanĩtye ũndũ mũndũ ũtonya kwĩka enda kũkwata ũvoo mwingangĩ kana enda kwĩmanyĩsya Mbivilia. Andũ amwe mayendaa kwosa mavuku maitũ, ĩndĩ nĩmendeeawʼa nĩ kũlika Kĩsesenĩ kitũ. Kwoou ndũkewʼe wia ũimanenga kaati ĩsu. Ĩndĩ o na ũu wĩ o vo, ndũkatiĩe andũ ala matekwendeewʼa kaati isu.

O ũendeee na maũndũ maku ma kĩla mũthenya, no wambĩĩe ũneenanya na ndeto ii: “Vaa ve kĩndũ ngwenda ũkũnenga. Kaati ĩno yĩũtwaa Kĩsesenĩ kĩ na ũvoo na vitio ineeneete ĩũlũ wa maũndũ me kĩvathũkanyʼo.” (Yoa 4:7) Nũndũ kaati isu iyĩthĩawa syĩ nene, no ũkuae imwe nĩ kana ũkanengae andũ vaumĩla mwanya.

Kaati ya kwelekelya andũ Kĩsesenĩ yonanĩtye Mbivilia mbingũe

Kaati ya kwelekelya andũ Kĩsesenĩ kya jw.org yonanĩtye ũmwe wa Ngũsĩ sya Yeova aisomea mũndũ ũngĩ ĩandĩko

Kaati ya kwelekelya andũ Kĩsesenĩ kya jw.org yonanĩtye ũmwe wa Ngũsĩ sya Yeova ayĩmanyĩsya na andũ ma mũsyĩ umwe Mbivilia

Ĩthangũ ya ĩtina ya kaati ya kwelekelya andũ Kĩsesenĩ kya jw.org