Tũmĩaa Ũvoo Ũla wĩ Mwambĩlĩlyonĩ wa JW.ORG Ũtavanyʼanĩ

Mwambĩlĩlyonĩ wa kĩsese kitũ, vethĩawa na ilungu na vitio iseũvĩtwʼe syendeesye andũ ala me na ngoo nzeo na mate Ngũsĩ sya Yeova. (Mek 13:48) Mavinda maingĩ ineeneaa maũndũ ala meũtangaaswa kana maũndũ ala andũ meũsũanĩa na meũneenea.

Ũtonya ata kũtũmĩa ũvoo ũsu ũtavanyʼanĩ?

• Ĩkalaa ũisisya kĩsese kĩu. Sisya maũndũ ala mekĩiwe mĩtũkĩnĩ, na ũisũanĩa ũndũ ũtonya kũmatũmĩa kũtetheesya mũndũ ũkwendeewʼa. (Nĩ kana ũkwate maũndũ angĩ ma mĩtũkĩnĩ ala me mwambĩlĩlyonĩ, tina vala vaandĩkĩtwe “Ona Mbingangĩ.”) Kwĩkalaa ũisisya kĩla kĩkĩiwe kĩsesenĩ kitũ kũkaũtetheeasya wĩthĩwe na maũndũ meũ ũtonya kũtũmĩa ũtavanyʼanĩ.

• Tũmĩa ilungu na vitio ila syĩ mwambĩlĩlyonĩ wa kĩsese kĩu kwambĩ ĩsya ũneenanyʼa. Ũvoo ũũ no ũtũtetheesye kũmanya kĩla andũ kĩsionĩ matonya kwĩthwa maisũanĩa.

• Onyʼa andũ ũvoo ũla wĩ mwambĩlĩlyonĩ wa kĩsese kĩu. Mwonyʼe maũndũ amwe maneeneetwe na ũimũtetheesya one ũndũ ũtonya kũkwata ũvoo kĩsesenĩ kĩu.

• Tũmĩa mũndũ link. Andũ amwe mayendaa kũneena naitũ twenene, ĩndĩ nĩmendaa kũlĩka kĩsesenĩ kitũ. Kwoou ndũkewʼe vinya kũtũmĩa mũndũ ũkwendeewʼa link ya ũvoo ũla wĩ mwambĩlĩlyonĩ wa kĩsese kitũ, vitio na, kana kĩlungu kĩna.