MWĨKALĨLE WA AKLĨSTO

Tetheesya Syana Syaku Iĩkĩĩe Vyũ Kana kwĩ Mũmbi

Wũmbi nũmũtaĩaa Yeova. (Sav 19:1-4; 139:14) Ĩndĩ nthĩ ĩno ya Ndevili ĩmanyĩasya momanyĩsyo matamũnengae Ngai ndaĩa ĩũlũ wa vala thayũ waumie. (Alo 1:18-25) Ũtonya kũsũvĩa syana syaku ata nĩ kana iikekĩe momanyĩsyo asu ilĩkonĩ na ngoonĩ syoo? Itetheesye kuma syĩ nini iĩkĩĩe kana Yeova e kwʼo na nũisũvĩaa. (2Ako 10:4, 5; Aev 6:16) Ikũlye makũlyo ũmanye woni wasyo ĩũlũ wa maũndũ ala imanyĩawʼa sukulu, na ũitũmĩa syĩndũ ila syĩ ũseũvyonĩ wa Yeova nĩ kana ũitetheesye.—Nth 20:5; Yak 1:19.

Mũndũũme ũkũmanyĩsya syana syake ĩũlũ wa wũmbi, syana syĩ kĩlasinĩ iimanyĩw’a kana syĩndũ syeekie kwĩyumĩlya, Ũndũ Andũ Angĩ ma Mũika Maasya—⁠Kũĩkĩĩa Kana kwĩ Ngai

ĨLOELEI VITIO ŨNDŨ ANDŨ ANGĨ MA MŨIKA MAASYA—KŨĨKĨĨA KANA KWĨ NGAI, NA MŨINEENEA MAKŨLYO AA MAATĨĨE:

Nĩ woni wĩva andũ aingĩ methĩawa nawʼo ĩũlũ wa Ngai?
Mũmanyĩawʼa ata sukulu?
Nĩ kyaũ kĩkũĩkĩĩthasya kana Yeova e kwʼo?
Ũtonya kũtetheesya mũndũ ata amanye kana Ngai nĩwe woombie syĩndũ syonthe?

SYĨNDŨ INGĨ ŨTONYA KŨTŨMĨA:

• Ilungu ila syĩ Kĩsesenĩ kya JW.ORG/KAM syĩ na kyongo “Masomo Makwa ma Mbivilia” (Syana itavĩtũkĩte myaka 3)

• Vitio Ĩthĩwa wĩ Mũnyanya wa Yeova—“Yeova Nĩwe Woombie Syĩndũ Syonthe”

• Ilungu sya ĩkaseti ya Amkeni! ila syĩthĩawa na kyongo “Je, Ni Kazi ya Ubuni?”

• Kĩlungu kĩ na makũlyo kĩ Kĩsesenĩ kya JW.ORG/KAM, “Nĩkĩ Nĩĩkĩĩaa Kana kwĩ Ngai?”

• Ilungu syĩ Kĩsesenĩ kya JW.ORG/KAM syĩ na kyongo “Syĩndũ Nĩsyoombiwe Kana Syeekie Kwĩyumĩlya?” (ilungu inya)

• Ilungu sya vitio syĩ nthĩnĩ wa JW Broadcasting syĩ na kyongo “Maoni Kuhusu Chanzo cha Uhai”

• Vitio yĩ na kyongo Maajabu ya Uumbaji Yanafunua Utukufu wa Mungu

• Mbulosua Uhai—Ulitokana na Muumba?

• Ĩvuku Je, Kuna Muumba Anayekujali?