Ũndũ Tũtonya Kwĩthĩwa Atavanyʼa Aseo​—Kũsyokea Ala Mendeewʼa

NĨKĨ NĨ ŨNDŨ WA VATA: Andũ aingĩ ala mendeeawʼa nĩ ũvoo mũseo wa Ũsumbĩ methĩawa maimantha ũwʼo ĩũlũ wa Ngai. (Isa 55:6) Nĩ kana tũendeee kũmamanyĩsya, nĩtwaĩle kũmasyokea ĩngĩ na ĩngĩ. Andũ methĩawa na mathĩna me kĩvathũkanyʼo, na kwoou nzĩa ila tũũtũmĩa kũmatetheesya mendeewʼe nĩ kwĩmanyĩsya iyĩthĩawa ivwʼanene. Ĩndĩ tũkeethĩawa na mosyao maseo tweeyũmbanyʼa nesa nĩ kana twĩanĩsye ũndũ mũna kĩla ĩvinda twasyokea mũndũ, twĩ na kĩeleelo kya kwambĩĩa kwĩmanyĩsya Mbivilia nake.

ŨTONYA KWĨKA ŨU ATA?:

• Tata mũno ũsyoke mĩtũkĩ, vatonyeka ĩtina wa mĩthenya mĩvũthũ.—Mt 13:19

• Ĩthĩwa na ũnyanya nake na ũimũnenga ndaĩa. Neenai kwa nzĩa ĩkwonanyʼa kana kĩla ũmwe wenyu nĩ mwĩanĩe

• Mũkethye wĩ mũtanu na ũimwĩta ĩsyĩtwa yake. Mũlilikanyʼe kĩeleelo kya kũmũsyokea, no ũmwĩe wasyoka ũsũngĩe ĩkũlyo waũkũlĩtye, ũmũetee ĩkaseti ya mĩtũkĩ, ũmwonyʼe kĩsese kitũ, vitio, kana ũmwonyʼe ũndũ twĩmanyĩasya Mbivilia na andũ. Ethĩwa e na ũndũ ũngĩ ũkwenda kũmanya mũno, no ũvĩndũe kĩla wĩĩvangĩte kũmũtavya.—Avi 2:4

• Ngʼithya mbeũ sya ũwʼo ila syĩ ngoonĩ yake kwa kũmũtavya ũndũ kuma Mbivilianĩ kana kũmũtiĩa ĩvuku kana ĩkaseti. (1Ako 3:6) Tata wĩthĩwe na ũnyanya nake

• Mũtavye kĩla mũkaneenea wasyoka