Wendo Nĩwʼo Ũvano wa Aklĩsto ma Wʼo—Sũvĩa Ngwatanĩo Nzeo Ĩla Twĩthĩawa Nayo

NĨKĨ NĨ ŨNDŨ WA VATA: Ũtukũ wa mũthya Yesũ atanamba kũkwʼa, nĩwavoyie nĩ kana amanyĩwʼa make “methĩwe eanĩu nthĩnĩ wa ũmwe [kana, me kĩndũ kĩmwe].” (Yoa 17:23) Nĩ kana twĩthĩwe na ngwatanĩo, no nginya twonanyʼe wendo, nũndũ wendo “ndũtalĩlaa ũthũku.”—1Ako 13:5.

ŨTONYA KWĨKA ŨU ATA?:

• Atĩĩa ngelekanyʼo ya Yeova kwa kwonaa ũseo andũnĩ ala angĩ

• Ekeaa kuma ngoonĩ

• Ethĩwa nĩmwamina kũneenea ũndũ na mwana-a-asa na mwaekeanĩa, ndũkaumĩlye ũndũ ũsu ĩngĩ.—Nth 17:9

ĨLOELEI VITIO YĨ NA KYONGO, ‘ĨTHĨWAI NA WENDO INYWʼĨ KWA INYWʼĨ’—NDŨKATALE ŨTHŨKU, NA ĨNDĨ MŨISŨNGĨA MAKŨLYO AA MAATĨĨE:

• Kalungunĩ ka mbee ka vitio, Helen oonanyʼa ata kana nĩwĩthĩĩtwe ‘aitala ũthũku’ kana maũndũ ala wĩkĩtwe?

• Kalungunĩ ka kelĩ ka vitio, Helen oonanyʼa ata nĩwasinda mesilya mathũku na eethĩwa na woni mũseo?

• Na mũthya, nĩ maũndũ meva Helen weeka matuma kĩkundi kĩthĩwa na ngwatanĩo?