Wendo Nĩwʼo Ũvano wa Aklĩsto ma Wʼo—Tana Vamwe na Ũla Wʼo

NĨKĨ NĨ ŨNDŨ WA VATA: Nĩ kana twonanyʼe kana nĩtũatĩĩaa ngelekanyʼo ya Yesũ, no nginya tumye ũkũsĩ ũkonetye ũla wʼo ĩũlũ wa ieleelo sya Ngai. (Yoa 18:37) O na ĩngĩ, no nginya tũtane nthĩnĩ wa ũla wʼo, tũneenae ũla wʼo, na tũisũanĩaa maũndũ ala ma wʼo, o na ethĩwa twĩkalĩte nthĩ yusĩe ũvũngũ na meko mate malũngalu.—1Ako 13:6; Avi 4:8.

ŨTONYA KWĨKA ŨU ATA?:

• Twʼa vyũ kũlea kwĩthukĩĩsya kana kũneena maũndũ mataĩle ĩũlũ wa andũ angĩ.—1Ath 4:11

• Ndũkatane yĩla woona andũ angĩ maithĩna

• Endeewʼa mũno nĩ maũndũ ala maseo na ma kwĩkĩa vinya

ĨLOELEI VITIO YĨ NA KYONGO, ‘ĨTHĨWAI NA WENDO INYWʼĨ KWA INYWʼĨ’—NDŨKATANĨE MAŨNDŨ MATE MALŨNGALU, ĨNDĨ TANA VAMWE NA ŨLA WʼO, NA ĨNDĨ MŨISŨNGĨA MAKŨLYO AA MAATĨĨE:

• Nĩ kwa nzĩa yĩva Debbie ‘watanĩa maũndũ mate malũngalu’?

• Nĩ kwa nzĩa yĩva Alice wavĩndũa ngewa yake na Debbie yeethĩwa ĩkonetye maũndũ ma kwaka?

• Nĩ maũndũ ta meva ma kwaka tũtonya kũneenea?