‘Kũnenga Yeova na Ngoo ya Kwenda’

Tũtonya ‘kũnenga Yeova na ngoo ya kwenda’ ata? (1Mav 29:5, 9, 14) Vaa ĩtheo ve nzĩa imwe tũtonya kũtũmĩa kumya mĩvothi na ngoo ya kwenda nĩ kana tũkwate mbau wĩa wa Ngũsĩ sya Yeova kĩsionĩ kitũ na nthĩ yonthe.

MĨVOTHI ĨLA YUMAWʼA KWĨSĨLA KĨSESE NA ĨLA YĨKĨAWA MASANDŨKŨNĨ MA MĨVOTHI ĨTETHEEASYA MAŨNDŨNĨ AA:

• 

  WĨA WA NTHĨ YONTHE

  kwaka movisi ma ũvonge na movisi ma ũalyũli, vamwe na kũtetheesya mawĩanĩ ala matethawʼa movisinĩ asu

  kũtwaĩĩsya masukulu ala mekawa

  kũtetheesya ala me ũthũkũminĩ wa mwanya wa ĩvinda yonthe

  kũtetheesya mĩisyo yaumĩla

  kũtumbĩthya mavuku, kumĩthya vitio, na kwĩkĩa mavuku na syĩndũ ingĩ kĩsesenĩ

• 

  KŨŨNGAMĨA MAVATA MA KĨKUNDI

  yĩũngamĩaa mavata ma kĩkundi ta, kũtũngĩĩa Nyũmba ya Ũsumbĩ na kũĩvĩa ngalama ingĩ

  kĩkundi nĩkĩthĩawa kĩvangĩĩe kĩla Mwei kĩkatũmaa mĩvothi ĩmwe ovisinĩ wa ũvonge kwondũ wa:

  • wĩa wa kwaka Nyũmba sya Ũsumbĩ na Nyũmba sya Maũmbano Manene ĩũlũ wa nthĩ yonthe

  • mũvango wa Kũtethya Ana-a-asa na Eĩtu-a-asa Nthĩ Yonthe

  • mawĩa angĩ matethawʼa nthĩ yonthe

MAŨMBANO MANENE

Mĩvothi ĩla yumawʼa maũmbanonĩ manene ma mĩthenya ĩtatũ ĩtũmawa ĩtetheesye wĩa wa Ngũsĩ sya Yeova nthĩ yonthe. Na ĩndĩ mĩvothi ĩsu yĩ vamwe nĩyo ĩũngamĩaa ngalama sya maũmbano asu, maũmbano ma mwanya, na maũmbano ma nthĩ mbingĩ isionĩ syĩ kĩvathũkanyʼo.

Mĩvothi ĩla yumawʼa kwondũ wa ngalama sya mũthyũlũlũko ĩtũmĩawa kũkomboa, na kũtũngĩĩa nyũmba ila syĩkĩawa maũmbano ma mũthyũlũlũko, vamwe na kũũngamĩa ngalama ingĩ. O na ĩngĩ, mũthyũlũlũko nũtonya kũamũa kũtũma mbesa ila syatiala ikatetheesye wĩa ũla ũtethawʼa nĩ Ngũsĩ sya Yeova nthĩ yonthe.