Tata Ũmanye Ũvoo Wʼonthe

Yĩla ũũsoma ngewa yĩ Mbivilianĩ tataa ũkamanya ũvoo wʼonthe. Ĩmanyĩasye ĩũlũ wa maandĩko ala mathyũlũlũkĩte ũvoo ũsu, andũ ala mawetetwe vo, na kĩla kĩtonya kwĩthĩwa kyatumie meka maũndũ ala meekie. Kũna visa wĩ vandũnĩ vau, ũyĩwʼa mawasya ala me vo, mĩuke, na ũitata kũsũanĩa ũndũ andũ ala me vo matonya kwĩthwa meewʼaa.

ĨLOELEI VITIO YĨ NA KYONGO, SEŨVĨĨSYA NZĨA YAKU YA KWĨMANYĨSYA MBIVILIA​—KALUNGU KA VITIO, NA ĨNDĨ MŨISŨNGĨA MAKŨLYO AA:

• 

  Nĩ kyaũ kĩtonya kwĩthĩwa kyatumaa Yosevu na ana-a-ĩthe matewʼana?

• 

  Nĩ kyaũ kĩtonya kwĩthĩwa kyatumaa ana-a-ĩthe ma Yosevu meka maũndũ mathũku?

• 

  Tũtonya kwĩmanyĩsya kyaũ Maandĩkonĩ ala maeleetye ĩũlũ wa Yakovo, ĩthe wa Yosevu?

• Nĩ maũndũ meva Yakovo wamanyĩisye syana syake ĩũlũ wa ũndũ matonya kũmina ithokoo?

• Vitio ĩno yaũtethya ata?