Kambeini ya Mwanya ya Mwei wa 11 ya Kũtavya Andũ Ĩũlũ wa Ũsumbĩ wa Ngai

Yesũ nĩwatavanisye “ũvoo mũseo wa Ũsumbĩ wa Ngai.” (Luk 4:43) O na nĩwamanyĩisye andũ mavoyae Ũsumbĩ ũsu wũke. (Mt 6:9, 10) Mweinĩ wa 11, tũkeekĩa kĩthito kya kũtavya andũ ĩũlũ wa Ũsumbĩ wa Ngai. (Mt 24:14) Vanga maũndũ maku nesa nĩ kana wĩkwata mbau kambeini ĩsu. Ala makosa ũvainia mũtetheesya mwei ũsu no manyuve kũtavanyʼa masaa 30 kana 50.

Somea andũ aingĩ ũndũ vatonyeka kĩsionĩ kyenyu ĩandĩko yĩkonetye Ũsumbĩ wa Ngai. Ũinyuva ĩandĩko ya kũsoma, sũanĩa ũla ũũsomea nĩ wa ndĩni yĩva. Woona mũndũ ũkwendeewʼa ĩvinda ya mbee, mũnenge ĩkaseti ya andũ onthe ya Mũsyaĩĩsya Na. 2 2020. Tata ũmũsyokee na mĩtũkĩ na mũyambĩĩa kwĩmanyĩsya Mbivilia mũitũmĩa ĩvuku yĩmwe katĩ wa ala tũtũmĩaa mũno kũmanyĩsya. Vatiele ĩvinda ĩnini na Ũsumbĩ wa Ngai ũyananga silikalĩ sya nthĩ ila ivĩngaa Ũsumbĩ ũsu. (Nda 2:44; 1Ko 15:24, 25) Kwoou, ekai ĩvindanĩ yĩĩ ya kambeini ya mwanya twonanyʼe kana nĩtũkwataa mbau Yeova na Ũsumbĩ wake!