Tavanyʼa Ũvoo Mũseo Kana Nthĩ Ĩte na Mathĩna yĩ Vakuvĩ!

Mwei wa 11, tũkeekĩa kĩthito kũtavanyʼa ũvoo mũseo wa kana nthĩ ĩte na mathĩna yĩ vakuvĩ. (Sav 37:10, 11; Ũvu 21:3-5) Vanga maũndũ maku nesa nĩ kana wĩĩthĩwa na mwanya wĩanĩtye kwondũ wa kambeini ĩsu. Wenda kũtwʼĩka vainia mũtetheesya mwei ũsu, no ũnyuve kũtavanyʼa masaa 30 kana 50.

Ĩyũmbanyʼe kũsomea andũ aingĩ ũndũ vatonyeka ĩandĩko ĩũlũ wa nthĩ nzaũ. Ũinyuva nĩ ĩandĩko yĩva ũũsoma sũanĩa nĩ maũndũ meva mendeeasya andũ kĩsionĩ kyenyu. Ethĩwa mũndũ nĩwoonanyʼa kana nũkwendeewʼa ĩvinda ya mbee, no ũmũnenge ĩkaseti ya Mũsyaĩĩsya ya andũ onthe Na. 2 2021. Na ĩndĩ ũisyoka ĩtina wa ĩvinda ĩkuvĩ na mũyambĩĩa kwĩmanyĩsya Mbivilia mũtũmĩĩte mbulosua Tanĩa Thayũ Tene na Tene! Nĩ ũndũ wa kũtanĩthya mũno kwĩthĩwa na maũndũ maingĩ ma kwĩka tũitavanyʼa “ũvoo mũseo wa maũndũ maseo”!—Isa 52:7.

ĨLOELEI VITIO YA WATHI ŨTE ĨVUKUNĨ YA MBATHI WĨ NA KYONGO, NTHĨ NZAŨ ĨLA YŨKĨTE, NA ĨNDĨ MŨISŨNGĨA MAKŨLYO AA MAATĨĨE:

• Nĩ maũndũ meva ma kwendeesya ma ĩvinda yũkĩte kelĩtu kaa keũsũanĩa?

• Nĩ maũndũ meva ũkenda kũtanĩa nthĩnĩ wa nthĩ nzaũ?

• Kũvindĩĩsya ĩũlũ wa wĩkwatyo waku kũtonya ũkũtetheesya ata wĩyũmbanyʼe nĩ kana wĩĩka kyonthe kĩla ũtonya nthĩnĩ wa kambeini ĩla ĩkethĩwa Mwei wa 11?—Luk 6:45