Onaa Iveti Ngũũ ta Aa-inyia Maku, na Aka ma Mũika ta Eĩtu-a-inyia Maku

Maandĩko matũtavasya kana twaĩle kũkua Aklĩsto ala akũũ ta aa-inyia maitũ na aa-ĩthe maitũ, na Aklĩsto ala ma mũika ta andũ tũsyaanĩwʼe namo. (Soma 1 Timotheo 5:1, 2.) Na mũno mũno ana-a-asa nĩmaĩle kũnenga eĩtu-a-asa ndaĩa.

Mwana-a-asa ndaĩle kũthaũkĩa mwĩĩtu-a-asa kana akeka ũndũ ũngĩ ũũtũma mwĩĩtu-a-asa ũsu ewʼa ate mwĩanĩe e vakuvĩ nake. (Yovu 31:1) Mwana-a-asa ũtatwaanĩte ndaĩle kwĩka tũmaũndũ tũkwonyʼa mwĩĩtu-a-asa ũte mũtwae kana nũkwendeewʼa nĩ kũmũtwaa ethĩwa kĩu tikyo kĩeleelo kyake.

Atumĩa nĩmaĩle kwĩthukĩĩsya nesa na me na ĩnee yĩla eĩtu-a-asa makũlya ĩkũlyo kana maweta ũndũ mũna ũkwenda kũthĩnĩkĩwa. Atumĩa nĩmathĩnĩkĩaa mũno mũno eĩtu-a-asa ala mate na aa mũũme ma kũmasũvĩa.—Lu 2:8, 9.

ĨLOELEI VITIO ONANYʼA WENDO ŨTASINDAWA KĨKUNDINĨ—KWA AKA NDIWA NA SYANA ILA ITE AA-ĨTHE, NA ĨNDĨ MŨISŨNGĨA MAKŨLYO AA MAATĨĨE:

• Nĩ kwa nzĩa yĩva kĩkundi kyoonanisye kana nĩkyamwendete mũno mwĩĩtu-a-asa Myint?

• Nĩ kwa nzĩa yĩva wendo ũla kĩkundi kyoonisye mwĩĩtu-a-asa Myint weethĩiwe wĩ ũkũsĩ kĩsionĩ?

• Wendo ũla kĩkundi kyoonisye mũsyĩ wa mwĩĩtu-a-asa Myint watetheeisye eĩtu make ata?

Nĩ kwa nzĩa ta syĩva ũtonya kwonyʼa eĩtu-a-asa kĩkundinĩ kana nũmendete na nũmathĩnĩkĩaa?